Sangat Sangat is a popular opinion, columns and blogs website.
بالِتہ رُژنائی ءَ بس یَک وجودے اَزبریں
نے چراغے یاد مارا نئیکہ دُودے اَزبریں
لَنکُکاں تارانی سَبزیں زیل باماں چیڑ اِت اَنت
مارا سازے گِیر اَتکہ نئے سرودے اَزبریں
میتگے گیر آیگا اِنت چوں نِشونان ئِِے بگش
کپتگیں بانے’ دو حشت اَنت ءُ یَہ تُودے اَزبریں
چِیبَری گوں کار ءُ بار ءَ ما مُسلمانی کُتہ
گَؤرے ءَ تاوان رُپتہ مارا سُودے اَزبریں
ناخنے بَردار ٹَپّے گِلّہ ءُ زَاری بکنت
مئے گنوکی صالحؑ اِنت داں کہ ثمودے اَزبریں
میر من تہنائی ءِ دَمکاں عَصایے دَؤر دَات
نِی منا اسمے دل ءَ اِنت نے دُرودے اَزبریں