Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » فہمیدہ ریاض

فہمیدہ ریاض

لال تجھے چھاتی پہ لٹا لوں، سن مرے من کی بات

جس دن تو چندا سا جنما، کالی تھی وہ رات

گھوم گئی تھی دیس کی دھرتی پر اندھی گھنگھور

لوگ نہتے سہم گئے تھے، دیکھ کے ننگا زور

جس دن تجھ کو مان بھری ممتا کا دودھ پلایا

خون چوستا وحشی اُس دن شہروں میں دَر آیا

جب ترا مکھڑا چوم کے میں نے لی تھیں تری بلائیں

کوڑے کھاتے بیٹے اُس دم دیکھ رہی تھیں مائیں

جب ترے ماتھے میں نے پہلا کاجل ٹیک لگایا

گھر گھر پر چھایا تھا اُس دن سنگینوں کا سایہ

ہار کے جنتا بیٹھی تھی جب تو نے سیس اٹھایا

بلک بلک خلقت روتی تھی جس دن تو مسکایا

گھڑی گھڑی نے پھڑک پھڑک کر تیرے دم کو پالا

کوکھ کا سکھ کیا سج کا سکھ جب من میں بھڑکے جوالا

تو رن بھومی پر جایا ہے مرے جگر کے ٹکڑے

دیکھ تجھے پرچانے میں ماتا کا قدم نہ اکھڑے

کیسا لاڈا رے جیون کی ہر کٹھنائی جھیل

ہاتھ نہ میں روکوں گی ترا تو انگاروں سے کھیل

باٹ کے کانٹے تجھے پکاریں، لے یہ میرا ہاتھ

پہلا قدم اٹھا دھرتی پہ اپنی ماں کے ساتھ

Spread the love

Check Also

پہاڑوں کے نام ایک نظم ۔۔۔  قمر ساجد

(شاہ محمد مری کی ایک کتاب پڑھ کر)   روایت ہے پہاڑوں نے کبھی ہجرت ...

Leave a Reply

Your email address will not be published. Required fields are marked *