خالق داد وفا

گیش کتگ دوستءِ زھیراں راہ و راہچاری نہ انت

کپتگان من ماں نپاداں شہر و بازاری نہ انت

عشق شیدا بوتگاں من درد ئے پنڈوکیں پکیر

نوں تماہاں کپتگاں من پگر و بیچاری نہ انت

سملیں دوستے جتائی ءَ چہ پد بے وارثاں

کس نزانتیں نوں من ءَ رءَ واریاں واری نہ انت

عہدے ءَ ملکِ قلات ءَ بادشاہی ات منی

نوں غلاماں کمتراں من میرء سرداری نہ انت

دلبرک نشتگ گدانءَ گردن ءَ کشیت درءَ

دل نہ کشیت چارگ ءَ من سیل و دیداری نہ انت

شاعریں پگر ءَ وتی من چون و فا زندگ کناں

مجلس ءَ بیل و یلانی گپ و گپتاری نہ انت