Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » عالم ئے اِسرار ۔۔۔ اکبر بارکزئی

عالم ئے اِسرار ۔۔۔ اکبر بارکزئی

کوہ باریں بچکندنت؟

گوات باریں گْڑنک بنت؟

نود باریں سرپد بنت؟

مور باریں سر شودنت؟

 

باریں پْل ہم گندنت؟

رَنگ ہم نپس کشّنت؟

روچ باریں تْنّگ بیت؟

ماہ باریں جاں کشّیت؟

 

آس باریں آپْس بیت؟

آپ واب ہم گِندنت؟

باریں سِنگ و ڈوک وڈَل

چْک وپیر و ورنا بَنت؟

باریں مْہرگ و مشتک

وپت وواب ہم زانَنت؟

باریں مْرگ و ماہیگ ہم

شئیر و سوت پِر بندنت؟

 

 

ہست ھنچیں دیوال ہم

بہہ نَہ اِشکننت کَرّنت؟

باریں مْردگ ہم گندنت؟

باریں مے سراکندنت؟

روچ وشپ زبان دارنت؟

باریں موتک ہم کارنت؟

باریں کوھکر ء  ْ جمبر

آسمان ء  َ ھم گوارَنت؟

 

باریں درشک ودار وگْل

سْورو سانگ ہم زاننت؟

کْمب و کور و دریا ہم

درد و دور و گم مارَنت؟

پَور و کلکشاں باریں

چمّ وگوش ودل دارَنت؟

باریں زْھرہ و مرّیخ

مہر و دوستی زانَنت؟

شئیر و شائری زانَنت؟

 

مے اے گْل زمینا ہم

عاشقی کْتگ باریں؟

دَرد مارِتگ باریں؟

باریں چْنت کس پہمیت

جْہد کنت و سرپد بِیت؟

عالم ئے اے اسراراں

اکبر ئے اِے گپتاراں

Spread the love

Check Also

غزل ۔۔۔ ڈاکٹر منیر رئیسانی

ہوائے سرد سے لرزاں بجھا بجھا سورج قریبِ نخلِ صنوبر، تھکا تھکا سورج ہم اپنی ...

Leave a Reply

Your email address will not be published. Required fields are marked *