Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » اِے کسّہے نہ اِنت ۔۔۔ سدرہ نسیم

اِے کسّہے نہ اِنت ۔۔۔ سدرہ نسیم

مْدامی ئیں وڑا بَلّْک مروچی پداکسّہ آرگا اَت۔ چوناہا بلّْک ئے دیم ئے ھرچ کرچک ئے  تہا وڑ وڑیں کسّہ چیر اَت۔ آنہیا ھمے کسّہانی تہاچہ یک یک کسّہے کشّ اِت او مارا سَر کْت۔ آنہیا ھر وھد شپا کسّہ کتگ اَت پمشکا برے برے مناگمان بوتگ اَت شپ وت بلّْکی کسّہ اَنت۔ برے برے من روچ،  ماہ،  استال، کوہ وزِر ئے ِ بارو ا ھم ھمے پگر کتگ اَت کہ اِے ھم بلّْک ئے کسّہ اَنت۔ دیم ئے کر چکانی اندراچیریں کسہ۔

مروچی ھم دیم ئے کرچکانی تہا چیریں کسّہاں چہ یکے مئے گوشاں کپان اَت۔ شپ بانگواہ ہے ودارا اوشتاتگ اَت۔ ما بلّْک ئے  چَپ و چاگرد ا نشتگ کسّہ گوش دارگا اتیں۔ منی چم آنہی دیم ئے کرچکانی سر ا اِت اَنت۔ من بلّْکا چہ بیکِمار کرچکاں ھساب کنگااتاں۔ اناگا بلک ئے توار بْرز شت “نوں جنگل بیگواھی ئے آماچ اَت”۔ منی دلگوش چہ کرچکاں ھلاس بوت او آنہیا ِ نیمگا ترّ اِت۔

آ کسّہ آرگااَت۔ مروچی بلک ئے توار ا درد،  جوش،  زھر او کْچّل یکجا اِت اَنت۔ برے درد گیش بوت او برے زھر، برے برے ھچ زانگ نہ بوت کئے گیش اِنت۔ اِے پدی بلے نہ جنگے ئے کسہ اَت او نہ بادشاھے ئے، نہ سیاہ مار وآئی چْکے ئے او نہ شپانک و ھزانگے ئے۔ اِے پدی جنگلے ئے کسّہ اَت۔ جنگل کہ وت کسّہانی امبارے۔ ھزاراں سال کوھنیں کسّہانی امبار۔ بگندئے جنگل ھم یک بلّْکی کسّہے۔ دمانے آمن پِگر کْت کسّہ وت یک بلّْکی کسّہے، بوت کنت ما کہ نشتگ کسّہ گوش دارگا ایں وت یک بلّْکے ئے کسّہے ئے کارستیں۔

جنگل ئے کسّہ چوں جنگل ئے پیما َ کارست،  واکیہ او تواراں چہ سر ریچ اَت۔ جنگلا لہتیں دیھ اتکگ اِت اَنت۔ چہ کجا اتکگ اِت اَنت؟۔ نہ ما جْست کت او نہ بلّْکا گوشت۔ بلے منی تہا یکے کْوکّار کنان ھال دیان ات کہ دیھ چہ کجا اتکگ اَنت۔ اے دیھاں جنگل وتی کتگ اَت۔ ایشاں درچک بْرّان کْت اَنت،  ورگ ئے آپ ئے سر ا کبزہ کتگ اَت۔ جنگل ئے گوات ھم ایشانی جہگیر اَت۔ جناور غلام اِت اَنت۔ اگاں جناورے آ آپ،  درچک، گوات یا جنگل ئے دگہ چیزے سرا دیھ ئے کبزہ ئے ھلاپ گپ کت،  کْشگ بوت۔ دیھاں گْرک کاہ ورگ پرمات او پس کانگی ورگا مجبور کت اَنت ۔ لْلّکا بہ گر داں مزن بالادیں پیلا ھچ کس چہ دیھاں سلامت نہ اِت اَنت۔

بلّْک کسّہ ئے  بوجیگا سوار مارا گوں وت برگا اَت۔ ما روان اتیں۔ شپ اوشتاتگ اَت۔ اناگا کسّہ آ تاب وارت۔ کسہ یک ورنائیں شیرے  نیمگا شْت۔ ورنائیں شیر ہم ایدگرانی رنگا چہ دیھانی زوراکی آ شِزار اَت۔بلے آئی تہا یک تپاوتے ھست اَت۔  آئی تہا دیھانی دیم دارگ ئے واھشت ھم چؤل جنان اَت ۔ منی نِزّ اچؤل ھم کسّہ اَنت۔ روان کن اَنت،  روان کن انت تیابہ کاینت او پرش اَنت او ھلاس بنت۔ کسہ کار انہ گوشت بلے منی دل جَنگا ات شیر ئے  تہا چِست بوتگیں چؤل ہم جاہے رس اَنت پرش اَنت۔

شیر ا وتی واھگ چیر نہ دات اَنت۔ یک یک جناورے آ وتی ھیال ءِے سَر کْت۔ لہتیں ترس اِت اَنت،  چیزے آ گَل کْت، لہتیناں آ دیھانی پندل لیک اِت۔ آنہیا بلے کِمار نہ کْت۔ دیھاں اولا آ ترسینگ ئے  کوشست کْت۔ بے سوبی آ پد وتی نیمگا آرگ ئے  جْہد کْت۔ اِد ا ہم بے سوبی آیانی ودار ا اَت۔ بلّْک شیر و دیھانی گِر و  چِیلا جوش ئے ِ گوما بیان کنگا اَت۔

منی چم یک برے پدا بلّْک ئے ِ دیم ئے  کرچکاں کپت اَنت۔ کرچکاں چہ شیرے در کپت و میزان میزان بلّْک ئے  دپ ئے  نیمگا روان بْوت۔ بلّْک ئے  دپ پچ اَت،  دپ کہ کسّہ کنگا اَت۔ شیر لنٹانی کرچکانی سرا اتک۔ من زانت نْوں شیر دپ ئے تہا کپ اِیت۔ اناگا پدا بلّْک ئے  بْرزیں توار اَ منی دلگوش ترّینت “شیر یک روچے بیگواہ بْوت”۔

آنہی دردناکیں توار شپ ئے  سیاھی آ گوں ہوار اَت۔ توار ا منی دلگوش وتی نیمگا مانترّینت۔ “یک روچے ورنائیں شیر بیگواہ بْوت”۔ آ چہ اِد اَ دیما نہ شْت۔ ھاموش بْوت۔ گواتئے سْر سْر ئے توار ہم اوشتات۔ شپ،  تہنا شپ اَت کہ دیم پہ بانگواہا َ تچان اَت دگہ درائیں یکیں جاہا سَکَٹ اِت انت۔

داں دیر ابلکّْ ئے  توار نہ یتک۔ ما توار جتیں بلے ھچ پہ ھچ۔ منی چم پد ا بلّْک ئے  دیم ئے کرچکانی سر اَ کپت اَنت۔ کرچکانی گوما نبشتہ اَت “یک روچے ورنائیں شیر بیگواہ بْوت”۔۔

Spread the love

Check Also

امریکی بھیڑیا اورغیر ملکی دشمن ۔۔۔ تھامس کنگ / نسیم سید

اچھی کہانی بھلا کس کو پسند نہیں ہوتی؟ بلکہ کہانی سننے کے شوق کوتو ہمار ...

Leave a Reply

Your email address will not be published. Required fields are marked *