Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ابھی تو ہمارے جاگنے کے دنوں نے آنا تھا ۔۔۔ (آئی اے رحمن) ۔۔۔ کشور ناہید

ابھی تو ہمارے جاگنے کے دنوں نے آنا تھا ۔۔۔ (آئی اے رحمن) ۔۔۔ کشور ناہید

رحمان صاحب! جو کچھ آپ نے لکھا

اتنا تو فرشتے بھی نہ لکھ سکے ہوں گے

وہ تو لوگوں کے گناہ و ثواب لکھتے ہیں

اور آپ ان کی داستان لکھتے تھے

جن کو نہ قلم بردوش صحافی لکھتے تھے

اور نہ مسجدوں میں خطبہ دینے والے

آپ کبھی کبھی خدا کی آواز بن کر

ہمارے نام کے مسلمان لوگوں اور ملکوں کو

عاقبت کا خوف نہیں دلاتے تھے

ان کی بد گوئی، بدمعاشی اور بدحاکمیت کے

زہر ہلا ہل کو اقبال کی طرح قند نہیں کہہ سکتے تھے

ساری عمر آپ کے ایک ہاتھ میں قلم

اور ایک ہاتھ میں ٹائپ رائٹر ہوتا تھا

درویش نہیں تھے، صوفی نہیں تھے

اس زمین کے انسان تھے

آپ ناپرسوں کے آنگنوں میں جھانکتے

مگر اُن کو رسوانہ کرتے تھے

سوچ کے پاتال میں اترنے کے باوجود

کبھی خورشید ہاتھ میں لے کر چلنے کی خواہش نہیں کی

ڈھول پیٹنے والوں کا ذکربھی ناروا سمجھتے تھے

ابھی تو ہم دن بدلنے کی امید میں تھے

آپ نے اس کو بھی فریب سمجھا اور چلے گئے!۔

Spread the love

Check Also

کاکا صنوبر حسین/شان گل

تہ خوشحال ءَ گھولئے خوشحال افغان اث کہ خان تاں محمودءَ ہاغہ کنئے ہماں مسلمان ...

Leave a Reply

Your email address will not be published. Required fields are marked *