Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » چارہ گر ۔۔۔ افضل مراد

چارہ گر ۔۔۔ افضل مراد

یہ بھید ہے
یا کوئی راز آج تک نہیں کھلا
سرگوشی کرتے
دھند میں لپٹے منظر
میرے ساتھ تنہائی اوڑھے
بستر کی شکنوں سے
الجھے رہتے ہیں وقت کی دہلیزپر
بوسیدہ مناظر کو ایک پورٹریٹ میں سجائے
وقت کی قید میں گری زندگی کو
تمہارے نام منسوب کرنے
اس کی آلودگی مٹانے
تمہاری اَور نکل پڑتا ہوں
جینے کو ایک قرینہ دینے

مصلحت پاؤں میں چھبنے والے کانٹے کی طرح
اپنے معنی تلاش کرتی جاتی ہے
میں اکثر تمہاری طرف آتے ہوئے
راستوں سے الجھ جاتا ہوں
اپنا آپ بھول جاتا ہوں

یہ کوئی بھید ہے
یا راز نہیں کھلتا

ایک مدہوشی چھا جاتی ہے
نیند کے خمار میں
شکنوں کو سنوارتے ہوئے
نیند کی وادی میں کھوجاتا ہوں

سونے اور جاگنے کے درمیاں
زندگی کا وقفہ ہوجاتا ہے۔۔۔!!!۔

Spread the love

Check Also

اُڑن کھٹولہ ۔۔۔ سیمیں درانی

میں تو تنہا سوچوں میں غلطاں ہوتی ہوں کہ اچانک اک اڑن کھٹولہ آتا ہے ...

Leave a Reply

Your email address will not be published. Required fields are marked *