سعید مزاری

دامنا انڑزی پھنڑی یے قدہے چماں کثہ

ماوثی دوریں دلانی اے وڑا درماں کثہ

تو نہ پھرینتہ گلابے پُشت داثو رپتغئے

ہنگرے سُہریں مازُڑتو وث دل ئے دیپاں کثہ

دُژمنانی کُنٹیں زہماں زور بیثہ جان مئیں

زیندغی آ گڑدتغاں مں سنگتاں ارماں کثہ

اولا دہ مں چھر غئے ثاں گوں پھقیری پیلکاں

اولا تھاں مں بیورغے ثاں تو مناں تاواں کثہ

اے تہ مئیں جندئے نصیبیں بیثغاں آبِ حیات

تو تہ مئیں ہر وڈد نیاما جوری چھنکے ماں کثہ

جان مئیں آسی بلغّ اَث گندغَثی اُسمتاں

تو گوں آسا لئیوّ کنانا خلقتے حیراں کثہ

مئے او تئی دعایانی نیاما فرق ہمے یک اَث سعیدؔ

تو دفا گوں لوٹغا ثئے مادلے چھنکاں کثہ