Sangat Sangat is a popular opinion, columns and blogs website.
روس اث
مں تہاریں شفا ،
چابک او لٹانی تہا،
بے مٹ بلے سُن ایں ڈغار ۔
ارواح بہا پہ روکڑاں۔۔۔۔
دراہیں وطن ، آں گل زمیں
پہ زور آوری چُپ داثیا۔
برف اے شلنت چو واچڑاں،
سَنداں قطب ایغاں مدام۔
ہچبر نہ خنت اشتاف ء وخت
گیہل ء کنت پاذاں وثی
لِک چَپی آ ہنچو گزی
چوکہ کُچک گُھریائی ایں۔
آں وختا عامیں خلقتا
پجھ ء نیاڑت تئی شاھری
کس آ تئی نام ء نہ زانت۔
مرشی بلے تو وث بہ چار
شوئیں وڑے یکجا کننت
ثی پورہاتا محنت آ
تانکہ رسنت داں جھلّی آ (ھدف آ)
(او ) کلیں ہمے نور ئِے تہا
زندے
ودَی بیث شاذہ ئے ۔
ہرچی بدل بیثہ، بچار
اے مزدور بہ گند ڈوڑائیناں
نیم روش ء نغن ء ساہتا
وٹ آ مشین ایغا وثی
پہ ، تئی کتاب ئے وانغ آ
او بر شکندی ،
(کہ) سنگت اِنت شوا پہ وثاں۔
آں دوست ء داری بازی آ
تئی شاہری ئِے وانغ آ
استار کہ ٹمکنت بے جڑا
شبنم شفا کہ رتکغ اث
جلشکاناں، روش کہ درکفی
گندیث او آں دِہ وہش ء بی۔
مڑدا گوں استیں روزگار،
استیں نغن گوں عزت آ
آباد، پُر اَنت کارجاہ
دستِ اش یک عہدے گھڑانت۔
جنجال و وزت نیستنی
جوانی آسر پد بیث ،
نی
تئی شاہری ئے بنزہ آ
تئی شاہری ، کہ دائم ایں ۔
آں پوہ بی
مازیپّا ئے *
مونجھیں غم آ
او، لینسکی ئے * بہار موسما
کہ آہ
آنہی شیئرئے پُل بیغاژہ پیش
ختم بیثغ اث۔
آں پوہ ء بی باز جوانیا
تئی ظالمیں مرگ آ ، کہ زانت
کہ فطرت ئِے
ناترس او مڑکوشیں
زہم ئے رہ آ
تئی جاں بُرّثہ ڈونگھائی آ
او گوں بذنیت ایں تُڑس وھژمب
شاعر تئی ، ہون تنگثہ
پر، گڑہ دِہ
بے سوب ایں آں ثی حملہ آ
پر چیکہ دانڑتی تو بچار
دیما روانِ انت زندگی
او عامیں عوام ، داں روش مروش
واننت گوں چکھر مُوحبت آ
جادوئی گالان ء مدام
کہ تہ لکھثغ انت ، گوئشتغ انت
او
دوست ء کننت زندا وثی۔
جنکے کلکٹو فارم ئے
کہ سپاہی اے آ گوں یاری اث
یک ساعتی فکرے نہ خنت
تئی شاہری گالے گشی ،
گڑہ کوشتیث ۔۔۔۔
گندیث چیاریں پلواں
گندی پصلاں پکی آ
برشکندیں سہر وکاغذیں
رک اش گشنت گوں شاذہ آ:
” زندغ بیغ جوانیں چکھر
سپاہی منی ، ساہی منی!“
ہمے ڈول ایں آنہانی
نوٹ:
پُشکن یک ڈوئیل اے اندرا کشے جیثغ اث۔
مازیپا ۔ کاسک چیف کہ پُشکن ئے نظم ” پولٹاوا“ اندرا پچار بیثئی۔
لینسکی ۔ ورنائیں عاشق کہ یک ڈوئیل اے اندرا کُشے جیثغہ ۔
