بیا من تو ننداں گریواں

مے ہندگ مرچاں بے تاماں
بیا من تو ننداں گریواں
من تو دوئیں ہمرازاں
راز مئے سک بازاں
تو ہم کشء افاراں
من ہوں سک ء کریاباں
بلےلنٹ تئ پنء لالی انت
بلے گوش تئ در ء والی انت
بلے بیکاں سمارء تو
نندء آدینکء چارء تو
بلے چماں تو کجل کنء
بلے تو وشبواں مل ء
بلے گورا ہار ء جوک انت
مرواردء لالء ٹک انت
بلے گد تئ بانوری
ظاہر بے چو نوک سوری
بلے دائم ہندء تو
دزگواراں گوں نندء تو
بلے پوشاں نوکیں پوشاکاں
من ظاہرء ڈڈ ء پر واکاں
بلے انچو ظاہر باں من
ہرگپء دائم ہنداں من
تو ہم زانء من ہم زاناں
چے بگشاں دگء کرباناں
اے دہرء نوں گپ ہم گناہ انت
ظاہر کنگ ٹپ ہم گناہ انت
من تو دوئیں یکیں ساچاں
من تو دوئیں دردء آماچاں
بیا کہ کشاں دلء لہڑاں
من تو بلے کمیں سہڑاں
بیا من تو ننداں گریواں
بیا من تو ننداں گریواں