پَد گَرد

دمپرہ گر حدا دات زندے منا
من کتابانی، لبزانی سنگت نباں
شاعری آ مدامی آ رخصت کناں

درد و دوراں گوں مئے سنگتی بیت نہ بِی
اڑنز و آہانی سوداگری بیت نہ بِی
گیر کاراں نہ پژ مردگیں ساعتاں
کندگے جوڑ باں دَرد مندیں لباں
باغ و بستان کناں چَپّ و چاگِردگاں
رَنگ رنگیں نہالاں گوں زندے کِشاں
باغبانی کناں
من یَہ درچکے بیاں رہگوزی مردماں

دمپرہ گر حدا دات زندے منا
چورویے باں شہ ڈکّھاں ہمک بے سما
چلّ ئے لمبے گِراں قصّہے اِشکناں
بند وچاچانی دنیا آ آباد باں
روچے ملکے گراں
بادشاہی کناں

دمپرہ گر حدا دات زندے منا
لنگڑیں مردمے آگوں سنگت بیاں
روچے بے مہری ئے یار زَمبے گِراں
پِنڈ و ہنڈے کناں

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*