انگل

منی مہلینج منی سنگت
عئیدی ئق پہ باڑائیں
ہزاریں انگلاں کنتاں
ہر ٹوکہ سرا عئیدی

مں حیراناں مں اغراراں
عئیدی تہ مناں داثیں
کہ روح مئیں تئی در ء سُوالی
نغا ہے دلبری لوٹاں
برشکندے
تئی نشک میچے
دل ساڑتیں لوائے کش
”جی“ اے دے مناں مرشی
منی عئیدی منی حیرات
مناں یک بھانکرے بہرکں
یا دستا دئے منی دستا
کہ تئی ہنّی رتکغیں دستاں
منی تقدیر ء لکھیائیں

ٹوکاں زہریناں کشی
اغدہ عئیدی ء لوٹی

مں حیراناں مں اغراراں
تہ گوئش نیں گورمں چے استیں
تاں چیز داشتوں گوئر وث

تاں میرات منی مِلکیں
دل مئیں ساہ منی ایمان
جند وجر ، منی سامان
کُل اولا تئی دستا
کل اولا تئی قربان
اغدّہ ٹہکوئے جنتاں
نہ پرامتئے مناں صذ کہ
تِکاکش مئیں عئیدی آ

نزاناں چوں کناں یاراں
نہ خنتاں گوئرپڑ و گوخاں
بِہاناں، مہری آں ” انّہ“
سیاہ آفیں ڈغار یتلانک
مندری جھمک و پلّی
توخ و دو لڑیں تاویز
پٹیں جرگوں جتی آں
راڈوئیں گھڑی سوغند
بنگلہ دہِ مناں کم ایں

مں کہ ہرچی اے الّاں
”نہ “ کنت دیم ء کنت برّا
” (اے) ہچ کار ئے نہ اَنت پر مں
بس
منی ناما تہ شیرے لکھ“۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*