مارشت

دید وتی پیاپیں آدینکاں
ستر بہ پلگارنت
بلے چمانی اوست ئے گلگا
ندارگ زندگ نباں
مارشت برانزے
چہ لبز و توارانی کیدا آجو
چو روچا ھبر کاں
شگرب تاں مگرب شنگیں
ارس زہیریگانی بتکگیں زیمرے
کئی ارواہ ئے گوش پچاں
کہ بہ د±زی چمے سازا
نمیریں زہیرانی ہتم بہائیں گمے
جنوزامیں شپ ئے گرنچیں درداں
مہرمیں استالے بہ بوجی
ہر سنگ بندیں دیوالا
در و دروازگے الما پر بی
ہر زاہرئے بتیں دروشم ئے تہا
زندگیں باتنے ہم ساہ کشی
گواتانی مسکیں چیدگ نوں نکش کنگ لوٹاں
چو شہکارہں اکساں
درچکانی زبان ئے سبز و منوریں کہچر
نوں مارا چرگ لوٹاں
نوں منا ہر دو چم کشگ و
چو لہڑ داتگین سرپا
وتی گوشاں مانریچگ لوٹاں

ماہتاک سنگت کوئٹہ