ہژدمی برومیئر

عامیں عقل والائیں ہر مشاہدہ کنوخ کہ تونڑیں کہ فرانس ئے واقعہ آنی گام پہ گامی آ گندغاناکام بیثہ، گڑہ دِہ ہمے انقلاباپہ ہمنگیں رسوائیں ناکامی اے سانبثی آ ایریں کہ پیشاکسا نہ ئیثہ ۔سوب ئے وثار وہش کنوخیں کُوکارانی اَش کنغ کھوڑاث ، ڈیموکریٹیں صاحب گَل 2مئی 1852ئے معافی آنی چکا یک دوہمی آ موارکی آں دیغا اثنت ۔ بے شک کہ 2مئی آنہانی بھیجا اندرا فکس ایں خیالے ٹھیثغہ(10)۔ آنہانی اندرا یک ڈوگما اے ٹھیثغ اث ‘ہماں روشہ ڈولا کہ خلیاست (11) والایانی خیالاحضرت یسوع دوہمی برا ظاہر بیث او ہزار سالی حکومت شروع بیث ۔ہر وختے ڈولا،نزوری معجزہ آنی سرا ایمان آرغ ئے ہمساخ بیثغہ ،آنہیا گمان کثہ کہ جادو زور ا سوب کٹثئی اووثی ہندا خیال کثئی کہ دژمن قابو بیثہ ،اواشی آ فیوچر ئے بے عمل ایں مزں شانی اندراحال (Present) ئے سجہ ایں فہم برائینتہ کہ پہ آنہیا سانبثی آ ایرث او پہ ہماں سوباں کہ آنہیا رازئَ اندرانصیب بیثنت بلے آں ہوانہاں فی الحال کنغاباڑا نہ ایث ۔ ہماں ہیرو کہ وثی گو انک چیکی نالائخی آ یک دگر ا وثی چکا ہمدردی آں ڈساناں غلط ثابت کنغہ کوشیشہ کن انت او خاصیں ٹولی اے اندرا سلھاڑے جی انت،نِیں وثی پینز چاڑ ثغنت اِش ، او پیشکی زڑتئو وثی ونّائی ئے پُل و ہار نزآر تغنت اش، او ہماں ایکسچینج مارکیٹا وثی پدو اندرا کپتی ایں in partibus(12) رپبلکنانی بھانج کنغا ماناتکغنت کہ ہمانہی خاطر ا آنہاں اولاحکومتی مڑ دم گوں وثی بے تکبریں دستاویز ئے سجہ ایں چُپی آ باز دیر گندی آ گوں منظم کثغ اثنت ۔ دو دسمبرآ آں بے جڑ و بے رغام ایں نپتا گپتغنت۔ آں مڑدم کہ بے ہمتی ئے وختا کڑوئیں ہکل و ہوڑایاں گوں وثی اندری ہژمبا لکّین انت ،آنہاں دِہ وثار قائل کثہ کہ ہماں وخت گو ئستغنت کہ بطخانی کرانکغا گوں کپیٹولہ قلعہ(13) بچائینتہ کیث۔
آئین ، نیشنل اسمبلی، موروثی خاندانی پارٹی ،نیل و سہریں رپبلکنز ،افریکہ ئے ہیرو(14)،سٹیجا ژہ گرند ہاٹ،ڈیلی اخبارانی بلکوخیں ہیڈلائن سجہ ایں لٹریچر ،سیاسی نام او دانشوری ئے مشہوری ، سول او کریمنل لا“fraternite, egalite,liberte ،او مئی1852ئے دوہمی روش…….. ہمے کُل یک ہمنگیں مڑدے ئے چُف کارہ دیما جادو ڈولا گار بیثغنت کہ آنہی دژمن دِہ جادوگر نہ من انتی۔ ووٹ دیغ ئے عامیں حق کہ کسا ئیں ساعتے آ داں بچثی آ یث،آں دِہ عارضی اث تاکہ آں دراہیں جہان ئے چمانی دیما وثی رضا آ گوں وصیت نامہ آ لکھی او عامیں عوامہ ناما ژہ اعلاناں بہ کنت کہ :”ہر چیزے کہ استیں آنہیا فنا بیغی“۔
فرانسیسی آنی ڈولا اے گشغ کھوڑ نہ ایں کہ آنہانی قوم بے سمائی آ قبضہ کنغ بیثغ اث۔ قومے بی یاکہ زالے‘ بے حفاظت ایں ہماں گھنٹہ آ قبضہ بنت آ نہی لافا کہ مہم پسندے بیئے او ہمانہیاگوں تشددا بہ کنت ۔ ٹو کانی انگو آنگو لویس دیغا گوں معاملہ گی ایش انت نہ بلکہ چھڑو دوہمی دروشمے زیرنت ۔ اے دانڑتی تشریح کنغی ایں کہ 36ملین ئِے یک قومے شوں بے سمائی آ قبضہ بی او بے مڑائی آ سہ ٹھگانی قیدہ اندرا دیغہ بی ۔
نیں بیائیں ما،ہماں سٹیج آں دوارگندوں کہ شمانہاں فرنچ انقلاب 24 فروری1848 آ گرداں دسمبر1851 آ گوئستہ۔
اشی ئِے سہ مزائیں دور اثنت :
اولی:فروری زمانغ۔

دوہمی: چیار مئی 1848 آ گرداں گیست وہشت مئی1849ئے زمانغ کہ رپبلک ئے آئین یا آئین سازیں قومی اسمبلی ٹھیثہ،

سیمی:گیست ونہہ مئی1849 آ گرداں دو دسمبر1851ئے زمانع بزاں آئینی رپبلک یا قانون ساز قومی اسمبلی ئے زمانغ۔

اوّلی زمانہ ژہ24 فروری آ ،لوئی فلپ ئے تختہ چپی کنغا گر داں 4مئی 1848 آ قانون سازاسمبلی ئے مچی زمانہ ایں بزاں” خاصیں فروری زمانغ“ ۔ اشیا ما انقلابہ شروعات گوئشتہ کنوں۔ اشی خاصیت اے حقیقتہ اندرا سہرا بیثہ کہ حکومتا وث وثار ” عارضی“ حکومت گوئشتہ او حکومتہ ڈولا ہمے زمانغئے ہر کا ر، ہر حکم ،ہر اعلان عارضی اثنت۔ ہچ چیزاں او ہچ کسا دعویٰ ئے جرات نہ ویثہ کہ وثی مستقل ایں وجود یا حقیقی حالتہ دعویٰ آ کنت۔ ہماں سجہ ایں عنصراں کہ انقلاب تیار کثہ یا انقلاب مقرار کثہ تو نڑیں آں موروثی ایں اپوزیشن بی(15) ،رپبلکن بورژوا زی بی ،ڈیموکریٹک رپبلکن ئے کستریں ٹریڈ رانی کلاس بی ، او سوشل ڈیموکریٹک لیبر عنصر بنت۔۔ ۔آں کلّاں فروری حکومتہ اندرا ”عارضی “ ایں ہند رستہ۔
دو ہمی دگ دِہ نیستہ۔ فروری روشانی اصلیں کار چھڑو ہمنگیں الیکشن ریفارم کنغ اثنت کہ اوذاں جائیداد داریں طبقہانی اندرا ژہ خاصیں سیاسی مراعات زیروخیں حلقہ زیات مزن پاند بی او مالیاتی ارسٹو کریسی ئِے غلبہ پروشغ بی۔ بلے ٹکر ورغ ئِے اصل وخت کہ آتکہ، او عامیں مخلوق کہ بیریکیڈاں زوار بیثہ ،او نیشنل گارڈا ہچ سرگرمی نہ ڈسثہ تہ فوجا دہِ مزائیں مقابلہ چی نہ کثہ‘ او بادشاہی نظاما گُڑ کثہ تہ نغاہا پیداغایث کہ رپبلکا سوا دوہمی ہچ دگ نے۔ ہر دُھرے آ ہمے رپبلک ئے وثی مطلب کشتنت۔
پرولتاریہ آ ہتھیار زڑ تئو ہمے رپبلک کَٹثغ اث۔ ہمے خاطر ا وثی مُہر جثو اعلان کثئی کہ اے یک ”سوشل رپبلک اے“ بی۔ہمے رنگا نوخیں زمانغہ انقلاب ئے اندری صورت دیما آتکہ۔اے ہمنگیں صورتے اث کہ اکّیلائیں بھیرا ہر ہماں چیز ہ خلافا شُث آں کہ ،استیں سازوسامانا گوں ،عام مخلوقہ تعلیم ئے درجہا گنداناں استیں حالت و سیادیانی شیرا یکدم عملا مں آڑتہ کاتک۔ دوہمی پلوا اے بیثہ کہ فروری انقلابہ اندراہر کسے آ کہ بھڑائی داثغث ہماں کلاّنی دعوی منّے جیثغنت او آں حکومتہ اندرا مزائیں ونڈے آ گوں شریخ کنغ بیثغ اثنت۔ ہمے خاطر ا ، دوہمی ہچ ہمنگیں معجون ومرکب ایں زمانغے نہ رسی کہ تہااِش اکھرمزائیں دعوی دِہ سانڑیں بنت او چَٹ بے وسی و بے یقینی دہِ موجود بی،کہ تہا اش نوخ نوخیں تبدیلی آ پہ اکھرزیات جوش و جذبہ دِ ہ موجود بی او کہنیں دستورئے مزں پاڑیں بالادستی دِہ سانڑیں بی، کہ تہا اش بظاہر سماج ئے جملہ ئِے ہم آہنگی دِہ است بی او اشی اندری عنصرانی پیلویں چِک تانڑ دِہ موجود بی۔ وختیکہ پیرسہ پرولتاریہ دانڑتی وثی نغاہا مزں پاندیں امکاناں مست اث او سماجی مسئلہ آنی سرا بازسنجیدہ ایں بحثاں مانا تکی آ یث،سماجہ کہنیں طاعتاں وثی گروہ بندی کثہ،وثی صف برابر کثغنت ،پکر و گنڑتی کثہ او عام آبادی، کشار کار او پیٹی بورژوا یانی اندرا نا غمانیں حمایت دیثہ۔ ہمے کل مخلوق جولائی بادشاہی(16) وختانی ڈھنگرانی دیر بیغا گوں یکدم ابھرتئو سیاسی پڑ ا آتکغنت۔
”دوہمی زمانغ “ 4مئی1848 آ گرداں مئی1849آ ،بورژوا رپبلک ئے آئین ئِے زمانغ ایں ،اشی بنیاد ایر کنغہ زمانہ ایں۔ فروری روشانی سذت رندا چھڑو ا ے نہ کہ موروثی خاندان والائیں اپوزیشن‘ رپبلکناں حیران کثہ او رپبلکن، سوشلسٹان حیران کثغ انت ،بلکہ پیرسا سجہ ایں فرانس حیران کثہ۔نیشنل اسمبلی مچی 4مئی 1848آ بیثہ ۔ اے سجلی آ قومی الیکشناں گشیں بیثغ اث او سجہ ایں قومہ نمائندگ اث ۔
اے نیشنل اسمبلی فروری ئے دعوی آنی برخلاف زیندغیں احتجاجے اث او انقلابہ نتیجہ آں گھٹ آرغ و بورژوازی ئے گو دوآ ماں کنوخ اث۔ پیرسہ پرولتاریہ آ سذتی نیشنل اسمبلی ئے اصلیں دروشم پجھ آڑتہ او اشی مچی آ ژہ چیزے روش رند پانزدہ مئی1848( 17) آ یک بے سوبیں کوشیشے کثئی کہ زوری اشی وجودا نیست کنت،اشی آ بھورینی، او اشیا اغدّہ وثی ہماں اندری پڑزہ آنی اندرا بُچڑ بُچڑ کنت شمانہاں کہ ہمے ٹھیثغ اث ،کہ قومہ روح ئے پُٹائیں تاثیرا ژہ پرولتاریہ ئے جندا پہ خطرہ ٹھیثغ اث۔ چوکہ معلوم ایں15مئی آ بلا نکی او آنہی ہم خیال کہ واقعی پرولتاریہ ئے لیڈر اثنت،سماجی زیندھا ژہ درکنغ بیثغ انت او اے ڈولا درکنغ بیثغ انت کہ گڑ تئو ہمے دراہیں زمانغا دوار ظاہر نہ ویثغنت۔
لوئی فلپ ئے ” بورژوا بادشاہی“ ہندا چھڑو” بورژوا رپبلک“ اے گپتہ کنت۔ بزاں اغر بورژوازی ئے یک کستریں ٹولی اے آ بادشاہہ نام چکا حاکمی کُث ، تو مرشی دراہیں بورژوازی حاکمی ءکنت عوامئے ناما۔پیرس پرولتایہ ئے لوٹ بے کار انت،کہ آں ختم کنغی بنت۔ پیرسہ پرولتایہ آ آئین سازیں نیشنل اسمبلی ئِے ہمے اعلانہ جواب گوں ” جون بغاوتا“ داثہ کہ یورپ ئے خانہ جنگیانی ہسٹری ئِے کلاں ژہ مزائیں واقعہ اے اث۔ سوب بورژوا رپبلکا کٹثہ۔ اشی پجی آ اوشتاثی ایثنت فنانس ئِے ارسٹوکریسی، انڈسٹریل بورژوازی، مڈل کلاس،کسائیں ٹریڈ رانی کلاس ، آرمی ، لمپن پرولتاریہ (کہ گشتی گارڈہ بھیرا منظم کنغ بیثغثنت)، دانشور، پادری آنی کلاس او دیہی آبادی۔ پیرس پرولتاریہ پجی آ اژوث سوا دوہمی ہچ کس نیستہ۔ سوبا رند سئے ہزارا زیات یاغی زحمانی رخا دیغ بیثغنت او پانزدہ ہزار بے عدالت و وکیلا جلا وطن کنغ بیثغنت ۔ ہمے پروشا رند پیرس پرولتاریہ انقلا بی سٹیجا ژہ اوڈھر بیثہ۔ رند ا ہر وختیکہ تحریکہ لافا ساہ ماں کفغ ئے نشانی پیدا بنت ہمے اغدہ دیمہ آغا پہ سمبری ۔پر ہر دھکے آنہی طاغت گھٹ آناں روث او ہر دھکے نتیجہ روث کم آیاناں ۔ ہر وختیکہ اشی آ ژہ بڑزی سماجی طبقہ آں یکے انقلابی جوشہ مں کیث پرولتاریہ ہما نہیا گوں الائنسہ ٹاھینی اوہمے ڈولا ہماں سجہ ایں پروشاں شریخہ بی آں کہ مختلف ایں پارٹی سر و پدی ء ورنت اِش ۔
ریفرنسز
11۔ خلیاست(خلیاس،معنی یک ہزار)۔ یک مذہبی فرقہ اے ۔کہ یسوع مسیح دوہمی دھکہ ظاہر بی او دنیا اندرا انصاف،برادری،او خوشحالی ئے ہزار سال شروع بنت ۔
12 ۔ In partibus Infidelium (کفر ئے وطنا) ۔ ہمے نام ہماں کیتھولک پادریاں دیغہ بی کہ غیر مسیحی ملکاں پہ نامیں تبلیغا مقرار بیثنت۔ مارکس و اینگلز ئے نوشتانکانی اندراہمے اصطلاح ہمنگیں حکومتاں پہ گزر بیثہ کہ وثی ملکادرا پناہ گیری حالتا ٹھنت او ہمانہاں کہ ملک ء اندر ی حالتاں گوں ہچ کارمہ وی۔
13۔ Capitole(کیپیٹول) ۔ رومہ ٹیڑانی چکا ہماں قلعہ کہ اندرا جوپیٹر ئے مندر اثی۔ گشنت کہ 390ق م آ کہ گیلی آں شف کیڑ کثہ تہ رومہ مخلوق اے حاطرا بچثغ انت کہ ہموذا جو نو ئے مندر ہ لافا بطخانی کرانکغا گوں کیپیٹولا پہرودار ہاغہ بیثغنت او خبردار بیثغنت۔
-14 افریقی۔۔۔۔ الجیریائی۔ ہماں فرانسیسی جنرل و افسرنت آں کہ وثی آزادی آ پہ مڑوخیں الجزائری قبیلہ آنی سرا مارتکغ انت او قبضہ گیری ئے ہمے جنگانی اندرانام کٹثیش۔ قانون سازیں اسمبلی اندرا ہمے افریقی جنرل کوے نیاک،لموری سیئر او بیدو نا میں رپبلکانی سربراہ اثنت۔
15۔موروثی خاندانی اپوزیشن۔۔۔ جولائی بادشاہتہ ردشاں فرانسہ پارلیمنٹاہمے نامئے یک حزب مخالفے اث۔ ہمے ٹولی ئے مڑدماں لبرلیں صنعتی او کاروباری بورژوازی پلو بندائی کث۔ آں باڑ اثنت کہ نیامی درجہ ئے لہتیں الیکشن ریفارم کنغ بہ بنت و انقلابہ اگھ گرغ بہ بی ۔ او ہمے ڈولا بادشاہی سلامت بی۔
16۔جولائی بادشاہت۔۔۔۔ اے لوئی فلپہ بادشاہی زمانہ اث کہ 1830ئَ تاں1848 آ چلثہ۔ جولائی1830 ئے انقلابہ چکا اشی نام کپتہ۔
17۔ 15 مئی1848 ئَ پیرسہ مزدورو کاریگراں یک جلوسے کشتہ اور ہماں ہالہ لافا کہ آئین ساز اسمبلی ئے دیوان بیغایث ، ہموذا زوری پیہثو اسمبلی ئے پروشغ او یک انقلابی حکومتے اڈکنغہ جارجثہ۔ نیشنل گارڈ و فوجا اسمبلی ئے حفاظتا پہ حملہ کثہ او جلوس کُڑ دنیتہ۔ مزدورانی لیڈر (بلانکی،البیر،رسپیل ،سوبریو ،وغیرہ) دزگیر بیثغاں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*