Sangat Sangat is a popular opinion, columns and blogs website.
مزائیں مڑد گیلیلیو
مناں حدا ژہ زیات دوستئے
نہ پہ اے سببا کہ
دوربین ٹاہینتہ
نئیں پہ اے سببا کہ
تہ ٹیڑ دیثغنت ماہا
اے دہ نئیں کہ او مرشد
ڈغار تہ چرغادیثہ
او روش ثابت کثئے ساکت
پر جوآئیں مڑد ،او فہمیندغ
مناں دوستئے پہ اے خاطر
کہ وختے آ سماکپتئے
کہ ہمے جرمہ سرا چرچا
برونو زیندغی سوتکہ
او ترا دہ ہچبرا نیلی
تو بھڑ مڑدی کثئوگیلی
وثی دریافت دروغ گوئشتاں
مزائیں توبہے کشتئے
مناں دوستئے ہمے پارا
مستا دہ کثہ ہنچو
آں مڑد چمبھڑی جنگا
ہو، مری او بگٹی جنگا
ہا جنگئے آسہ لافا دہ
ہماں ہوں گار و نہراٹاں
ہماں ہکل و چوہکاراں
ہماں واہو او بلگاراں
نہ سہمینتہ نہ لہمینتہ
وثی ایمان سنبھالتئی
وثی پوہی و دیرگندی
وثی پہمندگی داشتئی
وثی عقل کثئی راہبر
درکپتہ درا آں مڑ
ژہ جنگئے تپتغیں آسا
اے ٹوکاں کناناں کہ
جوآں نہ یاں جنگانی
بذیں بولی
—————–۔
بریخت۔۔ گیلیلیو ئے سائنسی زیندھہ چکا مشہوریں ڈرامہ لکھثئی
