شال تیرے نوحے لکھوں کہ گیت گاوں

شال تیرے نوحے لکھوں کہ گیت گاوں
وقتِ ابر ہے آیا آگ جلاوں کہ سو جاوں
رہی ہے رسم کہ ،شہ مُرید ہوں دل شکستہ
کیوں نہ چاکر سے میں ، رزم گاتا لڑتا جاوں

درندوں کے جنگل میں انسان کہاں سےلاؤں
ترےکوچے میں بہتے لہو کا ذمہ دار کسےٹھراوں؟
اب کہ مٹی بھی حق میں میرے نہ گواہی دے
ترے کٹورا میں عطا ، آبِ وفا کس کو پلواوں؟

جام تشنہ کیلئے میں پھرتا ہوا رو بہ صحرا نکلوں
تری گلیوں کو بھول کر بتا کہاں کوچ کرجاوں
گریباں چاک کروں جواپنا تو خود کو مُجرم پاوں
کہتے ہیں سبھی کہ وقت کو موردِ الزام ٹِھراوں

مُحبت ، پیار ،فلسفہ سب کُچھ کیسےبھول جاوں
برف کا گھروندا بناوں اور اُس میں کود جاوں؟
آتشِ دہر کی تپش ، کب کا پگھلا گئی دل مرا
اُمیدِصُبح نو سے دل، تُجھ کو کب تک بہلاوں

سینہ جو یاران سے گر ہو تلخیِ ،تو میں گھبرا جاوں
شال بتا کہ کس آبگینے میں پھر جان کی اَماں پاوں
خاک سر پہ پھیلاوں نود ، کہ اِسی پہ لیٹ کر میں
اے شال بتا، ترے نوحے لکھوں کہ گیت گائوں؟