زیندئے پری

 

مں کہ بالی خیالانی آوار باں
دیریں ڈیہانی
جیذانی شونقاں شلاں
گِنداں!
زیندئے پری کندغیں، لُڈغیں
دست
پُلیں، گُلیں
پاذ، ابریشمیں
دیم
ماہ گوانگیں
دیذ
ایماں بریں
نوذ زانت ئے،قلم شائرئے
عالم ئے
نُور حرف ئے گُشئے
ہر گُرے شنزغیں
نارسائی غم ئے
ٹونک پچار نے
مہرئے واپار نے
شاہی دربار نے
عاجزیں انڑس مئیں
برّاں کِشکاں تلاں
چنکے ماثیں زِرئے زیراں درماں کناں
چنکے بولاں دلا، دیما، چماں مُشاں

 

ماہنامہ سنگت کوئٹہ

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*