ترا  جیغا گون انت ۔۔۔  ا

بیا مئے چمانی سرا نند

گہیں  گیتا ،قرآن

بے  تو  دیوان  ناں  سرجم بی

ناں عشق ئے ایمان

وشیں نا زینکاں ناں مہرانی سلامے گوں بی

جوریں دژناماں ناں کستانی کلامے گوں بی

تونیائے؟؟

زہیں مونجھانی حساباں کئے کنت بام  نوذانی، درینانی مجالس چوں بنت

عمر  گوازیں تئیں گوں سنگانی گلا و گالا۔

دیغرے زانت ئیں۔

دل ئے ھندا  تمائے  لوغیں۔

آمرے بیثہ۔

زواں رہن ایں غلام ایں  باطن

لوز  زردارئے  وداریغاں

کہ

معنی  چوں کنت

قول

زوراخے ئے آوار  جثغیں مال ایں

یا ہوس کارئے

اداراکی وفائے قصو

اُستماں نشتغا  فرعونے ئے  دستاں کھیال ایں

زیند باھیں تئیں

وفا آنی بلوچی ناما

بیا کہ ہورانی اے موسم دِہ گشئے تُنی خیں

وش  نیادانی

بشامے بی کہ گٹے  مینی

ڈیہہ  مژاں گپتہ

درشکانی سراں  شوذی، مشی

گواث حیراناں  زری

دامنا چیا بندیث؟

ناز، وشبو، گُلیں رنگ، دروشم ،کانی

کُل تئی بالاذءَ نذر

بیا

ترا جیغا گون انت

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*