یا حداوند و کردگار پاکیں
اے جہاں پُر حوف و حطرناکیں
جنگل و  وادی او پِڑن ڈاکیں
مانینِش شیر و گژدم سوزاکیں
ھژدہ ہزار مہلوک سر بُر ئے حاکیں
بکترین انساں شاہ ِ لولاکیں
باشعورین او چُست و چالاکیں
تابعیناں گوں مئے حضور پاکیں
چندے ولی اَنت او مرد اَنت زوراکیں
چندہا حاکم اَست گروناکیں
چند غریب اَنت او مرد اَنت بیباکیں
نئے طاقتے دارنت نہ لبز و گویاکے

اے اتکگیں دنیا جیڑہ و جاکے
دلفریب اِنت و سکّیں چالاکے

ہر کسا دنیا آ کَتگ گاڑی
پرشتگ اَنت کُوٹ و ھَژدریں ماڑی
واجہیں مردم بیت اَنت بمباری
ہر رو دگہ نوکیں حکم بنت جاری
مال غریبانی بیت اَنت سرکاری
حاندان بیت اَنت کوٹ و درباری
ما نہ دیست چوشیں وقت چِد و ساری
غیرت و لجّ آ بال کُت پیراری