🌹

Flash 01

شاغے آپ ءَ ترینزان اِنت
آچارے گوں دَؤران اِنت
شئے ءَ ڈاڈر یل داتہ
شئے ءَ رِنداں زَھر چِتہ
حانی وخت ءَ بُورینتہ
حانی مُونجاں پِیر کُتہ
کِیّا عہداں بر گَشتہ
کِیّا عہدی مَردے نئیں
کِیّا دوستاں بے حال اِنت

سمّو مست ءَ ڈُوباریت
گالے کُونجاں شَکسائیت
رَکّاں ٹونکے بکشائیت
اَنڑزاں تاں کد بیڑ دارئے
تاں کد زرد ءَ سَہڑائے
نِشتہ کُونجاں گالائے
جیذاں کِرمے لشکر کنت
ڈُنگے ہلک ءَ پیڑائیت
سمّو دوست ءَ رُولینتہ
روشے روش ءَ برکت بیت
عہدے ڈُکھّاں وا گڑدیت

Flash 02

شاغ ءَ ننگر دَؤر داتہ
شاغ ءَ وختے پِیر کُتہ
شئے ماں گور ءِ ہیسان اِنت
حانی عہداں کَلّر چِت
کِیّا مُلکے رخصت بیت
سمّو ٹُونکاں ہرجاں جَت
مَستے مُونجاں گار  کتہ