غزل

دل ترا امروزئے سوگند انت ھمے کارا بکن،
شیشگءِ لوگے ببند و سنگ ئے باپارا بکن۔

چنچو وھد انت واھگ ئے دام ئے تہا مان گیشیتگ،
زلپ ئے کئیدس چہ وتی آجو گرپتارا بکن۔

تو اگاں در برتگ چندے رپک دنیاداری ئے،
آستینکءِ چے میار انت رام سیاھمارا بکن۔

تو کہ پہ راجواجہی جنگ ئے پڈا در کپتگئے،
زندگی ئے چے بھروسہ توپکا وارا بکن۔

پرچے پہ گپتار شودئے دگرئے جان ئے گردواں،
تو جہانا وئیل کن جندءِ گرودارا بکن۔

من گشاں بلے گدارے شھمرید ئے ھوش روت،
پہ گدارے جنڈ ھانی پنپکیں شارا بکن۔

دل مہ بند پہ گؤستگیں اھدانی پیر و زیارتاں،
تو وتی پریاتا قاضی رب ئے دربارا بکن۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*