شمُش تئے

شمُش تئے اے دِہ کارے ایں
شکیں بی آزماں بُڑزیں
نا
ڈیہہ ئے دل ترکّی
اُستمان ئے کار مہتل بنت
من لبزے یاں
شہ رکّاں رِتکغیں روشے
گواثانی سرا شِنگیں
یہ حرفے یاں
منی فہمگ
زمانہ ڈِکشن ئے
وقت ئے سوالیگیں
مئیں وشبو
ہیذ،ھونانی نذر بیثہ
مئیں زیبائی
لِواراں تِنگثہ
بڑزئیلاں ھوشینتہ
شمُش تئے
جواں کثئے
لبزانی باندی
قول اقرارئے
مُریذانیں
مناں کئے نیں شفاں ٹوہی
مریذاناں یا
ھانواں؟
مئیں نام ئے شائری کئی غیں
عطائے غیں یا
مست ئے غیں
مں لبزے ثاں
شلِثہ، گوستگاں دیری
مں نامے ثاں
پُلِثہ ھانوآ دیری
شمُش تئے اے دِہ کارے ییں
کیا کئے گیر کاری عمریاں پُریں
دل ئے ٹپاں ، گیاباناں
چنکر یادئے شہیدانی ادیراہ ہاں
کیا گیریں
شمُش تئے ؟
جواں کثئے ھانُل
شمُش تئے؟
جواں کثئے سمُل

ماہنامہ سنگت کوئٹہ