وچھوڑا

روح دا در کھلیا سی
آس دی کنڈی پجی سی
دل شور سنیا
دھک دھک داب
لکی پا،باری توں تکیا
تیری یاد دا تاج
سر تے سجاے
اداسی وال کھلارے
روندی جائے
اتھرو اداسی دے
ڈگڈے جاندے
دوارے لگیا زنگ،
دھوندے جاندے
دل میرے نے شکوہ پایا
بکل ماری، باری نو ٹپیا
آگ وچ سڑدا
باہر فیر او آیا
اداسی نوں پھڑ کے
سکھ دا ساں توں، لین نھی دیندی
پھڑ سرہانہ، سون نئ دیندی
اداسی بولی،دلا وے کملیا
لگیا روگ کیویں میں بھلاں
جوگ تیرا کیویں میں مناں
بین اداسی دے وددے جاندے
دل دے ٹوٹے کردے جاندے
اٹھی اداسی بال بکھیرے
دل نوں پھڑیا لائے فیر پھیرے
مندا کیوں نہیں بولدا توں نہیں
آکھ دے کھل کر روگ دا جوگ
من جا اج کہ
وچھوڑے دیاں یاداں، روٹی ٹکر
توں لکداں کیو. ایں
ہن نہ مکر
لے کے چپ دی چادر نوں
کنے عرصےلکیں گا
ڈھڑکن دی دھک دھک باہر
کی توں
سر نہ کڈیں گا
جندڑی جد،تک باقی اے
کفن دا لاچا، جاتی اے
قبر،جد تکر،نہ ڈونگی ھؤے
وچھوڑے دی آنکھ، کدی نہ سوے
اداسی دے رولے زور لگایا
دل دے جوگ نے حوصلہ فیر پایا
دل نے چادر باہر سٹی
سر اپنے تے پائی مٹی
جا کے اداسی دے دوارے
دواں نے،مل بین فیر مارے
مل کے دوواں،یاری نبھائی
یاداں،تیریاں،دھوم مچائی
کیہڑا تالا، کہڑی کنجی
وچھوڑا پاوندٌْا، ٌٌاپنی منجی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*