کلام بابا بلھے شاھ

وے ماہیا تیرے ویکھن نوں
چُک چرخہ گلی دے وچ ڈاہواں
میں لوکاں باہنے سوت کتدی
تند تیریاں یاداں دے پاواں

بابل دی سوں جی نئی لگدا
ساڑے سیک ہجر دی اگ دا
اج میرا دل کردا
گھر چھڈ کے ملنگ بن جاواں

چرخے دی کُو کڑ دے اوہلے
یاد تیری دا تُنبہ بولے
میں نما نما گیت چھیڑ کے
تند کھچدی ہُلارے کھاواں

وسن نئی دیندے سورے پیکے
مینوں تیرے پین پلیکھے
وے ہن مینوں دس ماہیا
تیرے باجوں کدر نوں جاواں

وے ماہیا تیرے ویکھن نوں
چُک چرخہ گلی وچ ڈاہواں