ائید

زی کہ چہ اِستین ءِ مُجاں
شاده ءِ نوک ءَ سر کشتگ
چول جتگ زِر سوچیں زهیراں
دلبُرّیں ارساں گْورتگ
ما گوں نوکیں رسم ءُ راهاں
ما گوں نوکیں رَهبنداں
شَهر ءِ تہ ءَ چہ شهر ءَ گِستا
مسل گنوک ءَ سر کَشتگ
کرنانی بے تْرک ءُ تواریں
دل یاتانی کبرستان
تهنا تهنا ارس شلان اَت
زرد ءِ ابیتکیں شَهرستان
درداں اندوهاں ارماناں
گوں ٹپّاں آمید کتگ
من گوں ویراندانیں چماں
دیدگ ءِ دروشم دید کتگ
یات ءِ کپن بیتگ ماں سرا
تئی درد گْور ءِ تائید کتگ
ما اِے پیم ءَ ائید کتگ

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*