غزل

چھم دہ انڑزی نیاں سوزاں شہ دل دہ زہیر نئیں

تھئی گنوخیں عاشقا را نام دہ تھئی گیر نئیں

گڑدغاں ہرو شہ راہا تھؤ نواں بدنام بئے

ماں تھرا پہریزغاں تھئی لوغ اکھر دیر نئیں

کل نہ ایں کہ تھانرگا تھا چیرثا سینغ منی

گندغاں من دہ تھئی دستاں کمان و تھیر نئیں

ریش مئی کلیں سفیزاں لٹھ زورا جزغاں

دل گشی گنداں تھرا دانی دہ دل مئی پھیر نئیں

تھا بیا دیرا مخاں چے پھہ وثا سینگارغ ئے؟

میتے تھئی چھاری ایں ماں مڑتھغاں مئی سیر نئیں

اخترئے دست ئے لکیرانی نیاما تھا نیے

یا حذا دستاں مدئے دستاں اغاں تقدیر نئیں