دل ونتگیں کتابئے وڈا بیت گشگ نبیت
دنیا چو سہب ئے واب ئے وڈا بیت گشگ نبیت
باریں کدی اے دل گوں گماں ساپ و سلہیں
تئی مہپرانی تاب ئے وڈا بیت گشگ نبیت
اے نوبتاکہ کاگدئے پھل بود و بر کننت،
ایشرک ہم گلاب ئے وڈا بیت گشگ نبیت
ماھیگ کئے بزانت کجام گریشگاتچ انت
زر جلگہیں، تیاب ئے وڈا بیت گشگ نبیت
باریں کئے آ درشیت کئے آ آسرات کنت
امروز آسیاب ئے وڈا بیت گشگ نبیت
قاضی حدا بزانت کجا سر تئی کپیت
ہرچیز کہ شرابئے وڈا بیت گشگ نبیت