گْل گِہیں گیمْرتغاں
تفاخے چھوئیں کھفتِش سرا
چِھترکئے آ پہ سٹ ثئیش
داں موسمے،
داں چیترے،
ھیلے نہ کْث ئیش چے سرا
فرشئے گہیں پیداوراں
زیندا پچے موکل کثو
رائی رووخیں مْڑدغاں
گو ھمگام بیثو جْزغیں؟؟؟؟
ڈسیں شئے باغ ئے بانَہا
چے پہ شار قْرباں نہ کْث
وثی زندگی
وثی بندگی
وثی شام و صواحانی قرار
شفانی و بامانی بہار
گِندیں شئے روذینغا
کسے آ انڑزے شنزثہ
کسے آ ھونے رِتکغہ
دانی دِہ شا ار تنسویں
تہ ھونانی بشکوخیں گہیں
ورنا انت ایں بنگویں
او ھون واریں گْلزمیں
او مڑد وارانی ڈغار
کُر تئی نمبی ثیں کذیں
ریج بی تاں موسما
