جلدی بیا تھؤمئیں دلدار
گِریغاں پر تھوزارو زار
دگاں تھئی آں شف روچ گندغاں
حذا تھرا بیاری زیبل یار
دستاں وثی گومنا دواکھں
تھئی عشق ءِ استاں ما بیمار
مئیں ڈولیں تھئی حُسن سرا
عاشق استاں لکھ ہزار
حُسن حُذا تھرا باز داثہ
سُنہڑائیں است ءِ تہ سڑدار
دعا منی ایں دم دم تھئی گو
حُذا کنت تھئی دژمنا گار
چیاریں سرا ماتھرا نِندارا
مہماں بی تھؤمئیں بار بار
چھیاریں کُنڈا استیں بہاری
گڑ تھو آختہ موسم بہار
من مغیری ءِ منت ءَ مروچی
دئے نہ رفیق ءَ ایرنگ آزار