ہماں رشیف ٹوکانی ، خرید و قیمتے نیستیں
گِراکاں شہ اصل گرانیں ، ہمنگیں، دولتے نیستیں
اِے تانہافئے بُنابے ہؤر و آفا رُستہ طُوویٰ درشک
من کُلیں کوہ سلیما نا اے چوشیں دُرصفت نیستیں
رسول اُمتی نیاما ہزاریں لعلاں جلوہ گر
جُدائیں رنگ و وھشبوئے سوادھی صورتے نیستیں
تہاراں درنشین ھلکا شہ بی اِستار خجل بی انت
رخِ تابان بھیرا، روشن ایں ماھِ طلعت نیستیں
حذایا دزکُثؤ ٹاھینتہ ربّی حکمت رنگ انت
جمالِ حُسن و رُعبا را، تی کمّی قدرت نیستیں
ہما ں یک بُت خیالا مئیں شف و روش پھولغا انت چم
پھذا دنیا ئی گرزانا پہ، ھنچی فرصتے نیستیں
دل نیاما من نشتؤ نام لِکھّثہ تھنگویں حرفاں
ہمے ناما سوا مندوست شعرا ں سر نوِشت نیستیں