تم نہیں، تو نہیں
صبحِ روزِ فراق
شامِ ہجر آفریں
آتشِ غم نہاں
طاقِ آفاق پر
چاند رکھا ہوا
صحنِ احساس میں
کسمساتی ہوا
لمسِ سایہِ گل
شاخِ انگور پر
ترش ہوتی کرن
نصفِ شعبان
سجدہِ آرزو
برگِ انجیر کا
سایہِ جانفراء
اُس سعادت کی لَو
جس کے لب پہ جھکی
اک ستارہ جبیں
سنجدِ جان کا
صد ستارہ ورق
آبِ کاریز میں
رس بھری چاندنی
کاسہِ چشم میں
رنگِ قوسِ غزل
نافِ مصرع تر
لافِ فکر رسا
شب کے انفاس میں
آیتوں کی جرس
خیمہ گاہِ ازل
رنگِ عمرِ رواں
انتظارِ قوی
یہ مکاں، لا مکاں
یہ زماں، لا زماں
یہ ازل یہ ابد!
تم نہیں، تو نہیں
