باب اول
(2)
سڑک مارچا پچ بوت ا و دو ماہا پد مئی ئے نیاما کائیس کارسس و آنہی گہار ہیلیناگوں وتی دزگہار کلاڈیا مارئیساکاپواؔ وتی سیالانی ادا یک ہپتگے واستہ شت انت۔ آیک سارتیں صحبے آ شہ روما درات انت۔ پہ سفرااے باز جوائیں روچے ات۔ آ درا ورنا او چناِل اتاں۔ آہانی چمانی تہا سفر و سفرئے تہا دیما آؤکیں چست و ائیر و جیڑہانی خیالا شہ جتائیں زیبائی و رژنائی ئے ودی ات۔ کائیس کراسس چوشکہ25 سالی ایں ورنائے ات۔ آنہی مود بز، سیاہ و دراج اتاں۔ باز جوانیں قد و بالادے واہند ات۔ ہماہاں کہ آئیرا مزں زاتی بکشات ات ۔ آں یک سپیتں اسپے سوارت۔ کہ آنہی پثاآئیرا چارسا ل سر آنہی سال روچا پہ سوگات دات ات۔ پد ا آ دوئیں جنک کجاؤگے تہا سفر کنگا اتاں۔ ہر کجاؤگے را چار غلاما گپت ات۔ پدا آ سک سبک رپتار اتاں کہ یک راستیں راہے آ دہ میل بید ئے دم کشگا شت ایش کرت۔آہاں راہا پنچ روچ گوازینت۔ آہاں وتی شپ سیال و کوچگانی ماڑیانی تہاپہ جوانی دم کشگ ا و و تا تا کاپواؔ سر بوھگے جوانیں منصوبہے اڈدات ات۔آں مسافری روغہ وختاسرپد اتاں کہ سڑکانی سرا کراسانی نشان دیما کایاں۔ بلیں اے نشان انچو باز بیاں ،اے آہانی خیالانہ ات۔ چیا کہ اے باز دلپدردیں نشان اتاں۔جنکاں کہ چشیں گپ و بیان اشکت ات گڑا آں سک وش بوت اتاں۔ گپ اگاں کائیس ئے بہ بیت گڑا آئیرا گوں اے چیزاں باز ھب و واھگ است ات۔ آئیرا وتی سرا ناز بوھگا ات کہ آئیرا چشیں ندارگ ہچ تاواں دات نہ کناں۔ ’’ پدا ہم ‘‘ کائیسا جنکانا دلیل دات’’یک کراسے انچو چارگ وشتر انت، شہ یکے آ درنجگے حسابا‘‘
’’ما دیم پہ دیما چاروں‘‘ ہیلینا گوئشتہ۔
آں ژہ کلاڈیا آ کمو وشتر ات۔ آاسپیت کوچینتے ات بلیں گوں سفرا دل نہ دیگے سوبہ شائی زرد ترتگیں دیم و چماں شہ آنہی دم برگے گمان بوھگا ات۔ کہ اے آئی تب ات۔ آ پرانکیں کد و بالادے واہندت۔ بلیں کائیس ئے دیما آں گنوکے ات۔ آ ں وت حیران ات کہ آنہی گہارا ایشی تہا چے دیست ات۔ اے یک بلائیں جیڑائے ات ۔ آنہی سفرئے تہااے جیڑائے گیش و گیوارے واستہ صبر و اوپار کرت ات۔ آنہی سرا ہم باز وار وتی گہارے دزگہارے سرا ردیں نزینکی دارگے گمان کرت ات بلیں ہر وار ہا گوں کلاڈیاہے جان بڈی و بے واکی ئے پشتا آنہی پیسلہ گوں ہاخاں بوت ات۔ اے جان بڈی آئیرا گوں آئی جندا نہ ات۔ بلکیں آ مدام انچ ات۔ آ غژت ات و کائیس سرپد ات کہ شہ کلاڈیا ہے ہمے غژگے پشتا من انگہ گناہگار نہ بوتگ اوں۔آنہی گہار بلیں دگے رنگا ات۔ آ آئیرا انچو وتی کنگا ات کہ آئیرا دلپدرد کنگا ات۔ آ ہم ہمانہی وڑا وش و ڈولدار و دراجیں کد و بالادے واہند ات۔کاپواؔ ئے سفرئے منصوبہ اڈدیگا سر آئیرا امیت ات کہ اے جھیڑوئے گیش و گیوارے واستہ راہے در کیت۔ آنہی گہار، ا و کلاڈیائے دزگہاری کمو عجب ات بلیں جوان ات۔ ہمے واستہ انوں کائیسا سفرہ تہا دیما آؤکیں چست و ائیرانی انتظار ات۔
روما ژہ چیزے میل دور سزائے ڈس و نشان شروع بوت انت۔ ہاکے ڈومپگ و کوہانی وڑیں ویرانیں جاہ چیزے ایکڑانی تہا بہر اتاں۔ آئیرا اولی کراسئے چارگے واستہ انچارجا (کہ ژہ یک چمے آ نزور ات)خاصیں جاہے دات ات۔ کراس ژہ تر و تازگیں کہورئے داراں کاٹ کنگ و جوڑ کنگ بوت ات۔ چو شکہ اے جاہ ژہ ڈغارا باز برز ات، ہمے واستہ سہبادراتگیں روچ گوں جوانیا گندگہ بوت۔ پدا آنہی سرا درنجوکیں مردے لوچیں لاش گوں جوانی ہا گندگہ نہ بوت۔ چیا کہ لاش باز برز ا ٹنگثیایث۔ کائیسا وتی اسپ تاشینتؤکراسہ نیمگا بڑتہ۔ ہیلینا آگوں وتی بے تواریں لٹے ثوبا کجاؤگ زوریں غلامانا آنہی پشتاروغئے حکم داثہ۔
