نماسگا حال آرت کہ باجی والا آتکگ
ماسیا ہزاریگے زرت در کپت.
30 کلدارئے پلپل دئے
5 ئے گھینچ
150 ئے پیماز
’’ماسی مرچی منا شرّیں کدو گون. رزان انت، کلوئے 25انت!’’سبزی والایا ماسی ئے دلگوش ترّینت.
ماسیا دلگوش نہ دات و گوشت’’بچہ ادرکاں چونچوکا دیَگائے؟‘‘
’’ماسی قیاسے30 کلدارا‘‘ باجی والایاگوئشتہ
ماسیا آڈر دات ’’منا دو قیاس بہ دئے، چل کلدار ی سیرک اِش اوار کن
’’پودِنا وست؟‘‘
’’ہو ایش انت، بستوکے پودنا ہم بہ دئے.” ماسیا وت جوست کوت، وت پسو دات و لوٹ ئے ہم کت.
باجی والایا گوئشتہ ’’ماسی پودنا مرچی گران انت، بستوکے 40کلدار انت. مٹربہ زیر، ترا دو کیلو پہ40آ رسیت.”
ماسیا گوشت ’’ بچہ ہما نگور بی. مٹر نیں کئی وراکے؟”
"ماسی تئی زر 390کلدار بیت انت.”
ہمے درگتا یک کماشیں بلوچے کشا اوشتاتگ، ماسی ئے زورتگویں بزارانی حسابا جنگا ات.
چو ماسیا جست کتئی’’اے بِزار کو تو زورت انت، چونچوک روچ دارانت؟‘‘
ماسیا گوشت ’’برات، منی نشار نیک بخت ایں، داں دو روچاں بر انتش.‘‘
"وَو! شر ونت.”
ناکوا حساب جت "دو روچا کہ390 کلدارئے بزار خرچ، ماہئے5850 بنت. باریں اے لوگا گوشت، آرت، کنَک و روگن ئے چونچوک بنت!؟۔ باریں برق وگیس چونچوک سوچیت؟‘‘۔
