سری ایکٹ
یک درشینی سڑک
یک بے پنیں درشک۔ بیگھہ ئے وہد
ایسٹراگون جہلی ڈھیرہ سرا نشتی ایں، وتی بوٹاں کشغیں، آں وثی دوئیں دستاں گوں اشیا چکی، سانہکاناں، آں کلی داث، منتہ، ساہ ساری ، دوہمی دہکا کوشیشہ کنت پیشی ڈولا۔
ولادیمیر آتکہ
ایسٹراگان: (اغدہ کلی داث) کثہ نہ یئے
ولادیمیر: (دروکا اگھا رواناں ، آکڑتی آجزغیں۔ پراہ پراہ جزغیں) مں آں خیالہ چکا پجغا شروع بیغاں ۔ دراہیں زیندھ من کوشست کثہ کہ اشیا اژوت دیرداراں۔ اے گشاناں، ولا دیمیر، ہوشاکں، تہ دانڑتی ہر کوشیش نہ کثہ ۔ او مں اغدہ جہدہ شروع کناں( آں مونجھابی۔ جہدا سوگوایں ۔ ایسٹراگا نہ پلو دیمہ چرینی )۔ہو بلی تہ اغدہ آتکغئے۔
ولا دیمیر: مناں؟
ولا دیمیر: مں تئی گردغو آغا وش بیثغاں ۔ مں دلا گوئشتغہ کہ تہ بس دائما شتغئے۔
ایسٹراگان: مں دی۔
ولا دیمیر: نیٹ دوہمی دہکا پجیا اوں! ۔ ماراشی چکا مراذے کنغی بی ۔ بلے چہ ڈولا؟(آں گنڑتی ءَ کنت ) کڑوبی مں ترا بھانکر کناں۔
ایسٹراگان: ( ناراضیا) نیں نہ ، نیں نہ
ولادیمیر: (مونجھائیا، ساڑتیا) کسے پولہ کثہ کنت کہ بھوتارا شف پکو گوازینتہ؟
ایسٹراگان: کڈے لافا۔
ولادیمیر: (شاباشی آ)کڈے لافا! تاں ہندا؟
ایسٹراگان: ( بے اشارہ آ) او ذا
ولادیمیر: آنہاں ترانہ کُٹثہ؟
ایسٹراگان: کُٹثہ؟بالکل مناں کُٹثیش۔
ولادیمیر: ہماں اولی کچا؟
ایسٹراگان: مناں سمانَیں۔
ولادیمیر: ہر وختیکہ مں اشی بارہا پکر کناں۔۔۔۔۔۔اے دراہیں سالاں ۔۔۔۔۔۔ بلے پرمن ۔۔۔۔۔۔ تہ پُکوبئے۔۔۔۔۔۔( پک بیثی آ)، اے وہدا تہ ہڈانی ڈھیرے سواتی چی نہ بئے، اشی لافا ہچ شک نے۔
ایسٹراگان: او اے چے ایں؟
ولادیمیر: (مونجھائیا) اے یک مردمے واسطہ بازیں (وقفہ ۔ وش بیثی آ) دوہمی پلوا، نیں دل پروشی ئے ہچ فائدہ نے ، مں ہمنگا گشاں کہ بایدیں کہ مانوزدمی دھاگا لکھاں سال پیش اشی بار ہا فکر بہ کرتیں۔
