سرو دیمپان ڈیھئے مے یلیں بچ
مڑاہ وشان ڈیھئے مے یلیں بچ
رمگ اوستانی رُنگ راہاں نہ بیت ویل
کہ است آں شوان ڈیھئے مے یلیں بچ
اگاں لوٹے، کہ رُژنا سر ببئے تو
سبقا بوان ڈیھئے مے یلیں بچ
دلئے ہوناں گوں رودیننت نہالاں
ہمے دہقان ڈیھئے مے یلیں بچ
ہمک نیما تئی نامئے جلشکیں
توار و زوان ڈیھئے مے یلیں بچ
تو زانے کہ بلندیں کِرد مانیت
بکن جہدان ڈیھئے مے یلیں بچ
بنازیں تو علی اے مہرواناں
دل و مے جان ڈیھئے مے یلیں بچ
