چم داشتگاں کائے کدی
بُن گپتگاں کائے کدی
زرد ئے کرار و واہگ ئے
ھوشتاتگاں کائے کدی
مائیں شلی و ھتلی
شھیئر بستگاں کائے کدی
کوہیں غماں چُو جنترا
بیا درشتگاں کائے کدی
عشقا تئی من سر جما
دوست ستکگاں کائے کدی
کسہ مریدو ہانی ئے
من و نتگاں کائے کدی
مست توکلی ئے پشپدا
من نشتگاں کائے کدی
چُو گواڑگ و پُل ئے وڑا
من سر پتگاں کائے کدی
من کہچرانی سیدو آسک
تا چینتگاں کائے کدی
شیلانچ و شیر و بیا پنیر
بادینتگاں کائے کدی