Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » قندیل بدر

قندیل بدر

آسماں سے جو شب گرا ہوگا

سرمئی جھیل میں پڑا ہوگا

 

خواب وادی میں نیند جھرنے سے

دودھیا چاند بہہ رہا ہوگا

 

بخت کی ملگجی ہتھیلی پر

آتشیں پھول کاڑھنا ہوگا

 

لاکھ روکا گھڑی کو چلنے سے

ریت لمحہ پھسل گیا ہوگا

 

قمقمے تھک کے سو چکے ہوں گے

پر وہ جگنو ہے جاگتا ہوگا

 

بالکونی میں بال جب کھولے

چاند کھڑکی میں آ رکا ہوگا

 

ٹین کی چھت ٹپک رہی ہوگی

بھوک نے پیار کھا لیا ہوگا

 

قبر پہ قبر بن گئی لیکن

موت کا پیٹ کب بھرا ہوگا

 

ایک دن آئے گا جوابی خط

فینٹسی ہے کہیں خدا ہوگا

 

اس عجائب بھری جلیبی کا

ہو نہ ہو آخری سرا ہوگا

 

سبز قندیل کی اجازت سے

سرخ سورج ابھی اْگا ہوگا

Check Also

بانجھ بنجھوٹی ۔۔۔ انجیل صحیفہ

میں نے  کثرت سے آنکھوں کی بینائی خوابوں پہ خرچی ہے سو آنکھ اب کوئی ...

Leave a Reply

Your email address will not be published. Required fields are marked *