Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » جہاں جسکیں دَہ روش ۔۔۔ جان ریڈ

جہاں جسکیں دَہ روش ۔۔۔ جان ریڈ

مں یک صو بائی شہرے  ئے سوذا گریں خاندانے آ پجھارو اثاں کہ منافع خور بیثغہ کہ روسی آنہاں ”مرادیور“ بزاں راہزن یاجِن گشنت۔ سہ چوروا رشوت داثؤ فوجی نوکریاژہ وثار پھجائیں تغہ۔ یکے آ  ورغ چرغہ سامانہ چکا شڑط جث، دوہمی آ  لینا کؤر ئے  تنگو ئے  کانڑانی غیر قانونی ایں تنگو فن لینڈ ئے پراسراریں سوذاگراں گوں شوتک او سیمی ئے  چاکلیٹ ٹاہینو خیں کارخانہے اندرا مزائیں ونڈے اث۔ اے کارخانہا مقامی کواپریٹو سوسائٹیاں اے شڑطہ چکا چاکلیٹ سپلائی کث کہ کو اپریٹو سوسائٹی گل آنہیا ضرورت ئے ہر چی آ دینت۔ عامیں مڑدمہ وثی راشن کارڈ ہ چکا سیاہیں نغنئے یک پا تورے ڈھث پر ہمے مڑدءَ لوغا بگی ایں نغن، بُورا،نوات، چاہ، کیک  او موشن پر یوان اث ………… گڑہ دِہ ہر وختیکہ سپاہی محاذ ءَ چکا گوۂر، ڈکال،او کمزوری سوبا ہٹکثہ نویثنت او پذ گڑ تنت تو ہمے خاندانہ نفرتہ گوں واہو داشت“ لغور!“۔ او اِشیا ”روسی بیغ ءَ چکا“ یک حدے آ داں ”شرم کاتک“ ………… آں وختا کہ آخر کار بالشویکاں ورغ چرغئے چی آنی لکّیں تغیں مزن مزنیں گازار پولثو دیثغنت او آں ضبط کثغنت تو آں باز شدتّا گوں ”دھاڑیل“ گشے جیثغنت۔

ہمے دراہیں خارجی سڑیذغہ شیرا کہنیں وختانی سیاہیں قوت کار ا کنغئے ثنت کہ نکولائی دوئم ئے  زوا لاژہ رندا  کمڑودِہ تبدیل نہ ویثغنت او دانڑتی خفیہ پر، باز سرگرم اثنت۔ جہانی بدنامیں ”او خرانہ“ ئے کارندہ  زار ا  پہ  او آنہی خلافا، کیرنسکی آ پہ  او آنہی خلافا، ہرکسے آ  زر داثیں ہمانہیا پہ دانڑتی کار اکنغئے ثنت ………… تہا ر ہ لافا ہر ڈولیں اوڈھریں تنظیم، چو کہ سیاہ صد، یک نہ یک دروشمے آ رجعت پسندی ئے  بحال کنغہ کوشیشاں ما نا تکی ایثنت۔

کرپشن او ہژ مبناخیں کوٹغوئیں راست ئے  ہمے چاگڑدءَ لافا اوشیشیں زیمر، بالشویکانی بڑزتر بیوخیں کورس ہر روشے اش کثہ کاتک:”سجہ ایں واکا سوویتانی دستا ں دئیت!۔سجہ ایں واکا کروڑیں عامیں مزدور، سپاہی او راہکانی نمائندغانی دستاں دئیت۔ ڈغار،نغن، بے کاریں جنگہ بند کنغ، خفیہ ایں سفارت، منافع خوری، غداری بند کنغ………… انقلاب او آنہیا اوا ر دراہیں جہانئے عوامہ کاز خطرہ ئے  لاف اَیں!“۔

پرولتاریہ او مڈل کلاسہ نیاما،سوویت او حکومتہ نیاما، جدوجہد کہ مارچ ئے سری روشاں شروع بیثغنث، دَہ چومبیاں پجوخثنت۔ روسایک درِ کّا medieval(میڈیول) زمانہاآژہ گیستمی صدیا پجثوحیرانیں دنیا ئے  دیما انقلاب ئے  دو نظام ………… سیاسی او سماجی ………… کُشوخیں مقابلہ آ آڑتہ۔

لنگھنڑی ئے  ہمے سجہ ایں مہینہ آں پذ روسی انقلاب ئے زیندغی او بھڑی ئے  شوئیں درشانی اے اث! ۔بورژوازیا وثار روسہ بارہا گہہ ترمعلوم دار بیغ پہ کاراث۔ روسہ اندرا انقلابہ ”بیماری“ یک زمانہے آ داں وثی انجاما   نہ پجوخ اث۔

اگھ وپذ ءَ چرینغ و گندغامں نومبر ئے  بغاوتا ژہ پیش ئے  روس یک دوہمی زمانغے ئے، تقریباً باورنیا او خیں حدے آ داں قدامت پرست معلو م بی۔ ما،نوخ او اشتاف تریں زیندھا گوں وثار اکھر اشتافی واقف کثہ، بالکل ہما نگا چو کہ روسی سیاستا چپیں بانزرا گھوئی واڑتہ کہ کاڈٹ”عوام دژمن“ گوئشتو غیر قانونی کنغ بیثغنت، کیرنسکی ”انقلاب دژمنے“ بیثہ او ”ماڈریٹیں“ سوشلسٹ لیڈر، تسیریتلی ؔ، دان ؔ، لیبیرؔ، گوتس ؔاو او کسنتئیف ؔآنہانی جند ءَ مریذاں باز رجعتی گنڑثغنت او وکٹر چیرنوفہ ڈولیں مڑدم،بلکنا میکسم گورکی دِہ راستیں بانزرا ژہ تعلق داروخ بیثغنت …………

دسمبر 1917ئے نیاما سوشلسٹ لیڈرانی یک گڑوے آبرطانوی سفیر سر جارج بیو کاننا گوں ملاخات کثہ او آں منت کثیش کہ اے ٹوکہ حالامہ ذاکہ آں مڑداں گوں ہمشیا ملا خات کثہ اے خاطرا کہ ہمے مخلوق ”باززیات راستیں بانزر ئے گنڑغ بی“۔

سر جار جا گوئشتہ”او دروکا پِکرکنیں کہ سالے آ پیش منی حکومتا مناں پر مائینتغہ کہ مں ملیو کوفا گوں ملا ختا مہ خنا ں  پچیکہ آ ں خطر نا کیں صو ر تا چپیں بانز ریغیں!“۔

ستمبر او اکتوبر روس، خاص کں پٹروگراڈ اسال ئے  کلاں ژہ بے کیفیں بَریں ماہ انت۔ ہمے گوئنڈ بیوخیں روشاں سریمغیں آزمانہ شیرا  زوراخیں ہؤر گواری۔ ڈغار ءَ چکا باز زیات تلشکنٹر او بجوخیں گپ اث کہ چبواں لگڑی ہر ہند ءَ پُجی۔ ہمانکر کہ عامیں روشاں بیث شما نہیا دِہ زیات اے خاطر ا کہ میونسپل ایڈمنسٹریشن پیلویاختم بیثغث۔ خلیج فن لینڈاژہ نمبا پریں گواثہ جھُلکی داثنت او سنڈرینوخیں مژءَ سڑکانی چکا جھمب داثنت۔دراہیں شف کم خرچی او جو فو ءَ خیالا گوں اوزیپلینانی ہژ مباژہ، سڑکانی چکا یک ودو ڈیوبلثنت، ذاتی لوغ او فلیٹاں بیگھئے شش وجاآ گِر داں نیم شفا بجلی دیغ بیث۔ موم بتی یک پہ چل سنٹ ءَ رست او گھاسلیٹ نا یاب  اث۔ روش ءَ  سہ بجہ آ گِرتاں بانگھئے دہ وجہ آتہار بیث۔ لٹ پل ودزی ودھثغنت۔ فلیٹانی بلڈنگانی اندرا مخلوقا بارو باروی پریں تو پکاں زڑتیا دراہیں شف پہرو داث۔ اے عارضی حکومتا شیرا بیغا یہ۔

ہفتہ پہ ہفتہ ورغ چرغہ چیز گھٹ آنا شتغنت۔ نغن ئے ہر روشی راشن یک و نیم پونڈا ژہ کم بیثؤ یک پونڈ،گڑہ سئے چیارک، نیم‘ او گڑہ چھڑو چیارک پونڈ سرا تکہ۔ آخر آخر ا یک ہفتگے ہمنگیں دِہ آتکہ کہ نغن رستہ دِہ نہ۔ بورا ماہ ئے دو پونڈ ہر مردما ڈھغئے حق اث ………… اغررستیں تہ، کہ کزینہی ہمنگا بیث۔ چاکلیٹ ئے  یک ٹُکر یا یک پونڈے بے خوندیں کینڈی اے قیمت ہپتا گردہ دَہ روبل بزاں  کم از کم یک ڈالرا  دّہ اث۔ شہر ءَ اندرا چھڑو نیمے چُکانی واسطا شیر  ا ستہ۔ زیاتر ہو ٹل او ذاتی لوغاں زغریں شیر مہینہاں دَہ گندغہ پہ دِہ نہ رست۔ میوہانی موسما سوف او ناشپاتی گلی آ یک روبلا ژہ دروکا کم ئے  حساوا بہا بیث…………

شیر، نغن، بورا  او  تما کو آپہ ساڑتیں ہَور ءَ لافا گھنٹہ آں دہ لائنا جکغی اث۔ یک دراہیں شفے ئے  میٹنگے آ رندا لوغا آیاناں مں دیثہ کہ بام رنگا دِہ پیش دکانہ دیما ”خووست“ (دُمب“ ءَ ٹھغ)شروع بیثغث کہ اندرا زیاتر زال اثنتی او کڑدے ئے گٹغاں چُک دِہ استثنت …………

کارلائلا وثی کتاب ”فرانسیسی انقلاب“ ءَ لافا بیان کثغث کہ فرانسیسی عوام آنہانی لائنا مں جکغئے قابلیتا کلاں ژہ زیات اکّیلا کث۔ روسا وثار ہماں دستور ئے عادتی ٹاہینتغث کہ ”برکتی ایں“ نکولائی حکومتہ لافا 1915 آ شروع بیثغہ او پذا وقفہ وقفہ ای1917 ئے آہا ڑا دہ چلاّناں آتکہ کہ ہموذا اے مستقل بیثہ۔ پیٹروگراڈ ئے آسن ءَ ڈولیں مستغیں برف پوشثغیں سڑکانی چکاروسی زمستانا ناکافی ایں جرجا نا کثغیں مخلوق ئے سجہ ایں روش جکثی بیثی ئے اندازھاکں!۔ من،نغنا پہ مانا تکغیں قطارانی اندرا ہماں بے آرامی ئے  تُرشیں ٹوک اش کثغنت کہ وختے وختے روسی مُچی ئے  حیراں کنوخیں وش دلی آ ژہ درکپتاں …………

اشی اندرا ہچ شک نے کہ سجہ ایں تھیٹر ہر شفا چلثنت،سنڈے آدِہ۔ مارینسکی تھیٹر ا مں کرساو ینایک نوخیں بیلے اندرا ظاہر بیثہ او نا چا پہ شیدائیں دراہیں روس آنہی گندغا آتکہ۔ شلیا پین ءَ سوت گوئشتنت۔ الیگزنڈر ینسکی اندرا الیکسی ٹالسٹائی ڈرامہ ”ہژمبناخیں ایوان ئے  موث“ ئے میئر ہولڈ نا میں ڈائریکٹر ئے پروڈکشن دوہمی براسٹیج بیثہ اوہمے پروڈکشن ءَ اندرا مناں گیریں کہ جرنیل و افسرانی چکانی سکول ”اہلکارانی بادشاہی سکول“ ئے یک سٹوڈنٹے دیثہ کہ خاصیں موقعہ آنی وثی یونیفارما جانا کثیا یہ، کہ نیا مغی وقفہ لافا خالی ایں شاہی باکسا پلو ا دیم کث ادبا گوں کڑو بیث جک اث حالانکہ شمے باکسا  ژہ شکر با نز  کرو تثؤ اچاکنے جیثغثنت…………

”کریو ویے زیر کلا“ تھیٹرا آسٹریلیائی ادیب شنیتزلر ئے ڈرامہ ”رائیگن“ ئے زبردستیں پروڈکشن پیش داشتہ۔

ہر میتاؔ ژ،او دوہمی نگار خانہ لڈ ثؤ ماسکو آ شتغنت گڑہ دہ ہر ہفتگا پینٹنگانی نمائش بیثنت۔ دانشوریں کلاس ئے جنانی جھارانی جھار لٹریچر، آرٹ او  اڑزانیں فلسفہانی  لیکچرانی اش کنغہ شثنت۔ تھیو سوفیکل سوسائٹی والایاں پہ تہ اے موسم گرم ئے موسم اث او سالویشن آرمی (کہ روس ءَ اندر ا سری دھکا داخلہ رستئی) ءَ  بائبل ئے جلسہ آنی بارہا پوسٹراں ژہ بھت پرکثنت۔ ہمے جلسہاں ژہ روسی مخلوقا مزہ دِہ گپت او حیران دِہ بیثنت…………

Check Also

بلوچی زبان ئے دیوان ۔۔۔ گام گثیر

بلوچی زبانئے  دیوان کمال خان شیرانی،ڈاکٹر خدائیداد اور عبداللہ جان جمالدینی پراگریسو رائٹر ز کے ...

Leave a Reply

Your email address will not be published. Required fields are marked *