Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » محبت مار دیتی ہے ۔۔۔ زرغونہ خالد

محبت مار دیتی ہے ۔۔۔ زرغونہ خالد

بہت پہلے سنا میں نے

محبت مار دیتی ہے

توکھل کے ہنس پڑی یک دم

بھلا ایسا بھی ہوتا ہے؟؟

کبھی ایسا بھی ہوگا کیا؟

محبت مار سکتی ہے

جو جینے کی اک آس ہوتی ہے

وہ کیسے مار سکتی ہے؟

مگر جب

پھر مدتوں بعد اک ایسا سانحہ گزرا

تو ہوا احساس تب مجھ کو

میں ہنس دی تھی

صرف اس بات پر

”محبت مار دیتی ہے“‘

بہت نادان سی تھی میں

محبت مار دیتی ہے

بہت چھوٹا سا جملہ ہے

یہ تو اجاڑکر

اجڑے کو پھر

سنوار کر

عروج سے زوال تک

زوال سے پھر کاک تک

رستے پہ اسکو ڈال کر

بکھرے تو پھر

کچھ یوں لگے

جیسے کسی مزار پہ

روندا ہوا گلاب ہو

خوشبو بھی جسکی اڑ چکی

پھر دھیرے دھیرے

ہوتا ہے یہ احساس بھی

بہت آہستگی

بڑی شائستگی سے

محبت مار دیتی ہے

حقیقت اب سمجھ آئی

”محبت مار دیتی ہے

محبت مار دیتی ہے“

Check Also

کورا کاغذ! ۔۔۔  امداد حسینی

(“آصف فرخی“ کے لیے)   وہ جو کورا کاغذ میز پر پڑا ہوا ہے اس ...

Leave a Reply

Your email address will not be published. Required fields are marked *