Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » عابد رضا

عابد رضا

سنہری دھوپ کے پروردگار، دھند کے پار

کوئی صحیفہ یہاں بھی اتار، دھند کے پار

 

ہماری آنکھ میں اب تک دھواں ہے خوابوں کا

کہ جل بجھے ہیں ستارے ھزار، دھند کے پار

 

یہیں کہیں تھا وہ جادو نگر، پری زادی!

اڑن کھٹولا یہیں پر اتار، دھند کے پار

 

رکا ہے وقت یہاں جیسے کہر دریا پر

بس ایک جست لگانی ہے یار، دھند کے پار

 

رگوں میں آج بھی جیسے بھٹک رہا ہے کوئی

لہو کے گھوڑے پہ زخمی سوار، دھند کے پار

 

میں کیا بتاؤں وہاں شور ہے کہ خاموشی

سماعتوں کا بھی کیا اعتبار، دھند کے پار

 

ملا نہیں مجھے اب تک کوئی بھی اس جانب

میں خود کو ڈھونڈنے نکلا ہوں یار، دھند کے پار

 

قدم قدم پہ یہ کہتی ہے دھوپ کی شدت

اتار پھینک بدن کا یہ بار، دھند کے پار

Check Also

کورا کاغذ! ۔۔۔  امداد حسینی

(“آصف فرخی“ کے لیے)   وہ جو کورا کاغذ میز پر پڑا ہوا ہے اس ...

Leave a Reply

Your email address will not be published. Required fields are marked *