Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » کتاب پچار » فرانز کافکائے ناول “دی ٹرائل “۔۔۔ ھمل مومن

فرانز کافکائے ناول “دی ٹرائل “۔۔۔ ھمل مومن

کافکا 3 جولائی 1883 آ ماں پراگا ودّی بیت کہ انّی چیکوسلواکیہ اِنت۔ کافکا وتی مات و پِت ئے  مستریں چْک بیت،مستریں چْکے  ئے ِ سببا کافکائے زمہ واری ھم گیش بَنت۔کافکائے نبشتہ کنگ ئے  ھْب کسانی آ استت، او بازیں ڈرامہ ھم کسانی آ نبشتہ کَنت بلے آیاں سْوچیت۔ کافکا وثی سسّاساچاں کس ءَ پیشدارگ نہ لوٹ اِیت، تھنا وت نبشتہ کَنت، وانیت ءِے او پدا وتی نبشتہ کْتگیں سساساچاں سْوچیت۔بلے وھد ئے گوزگا پد 1907 آ جرمنی ئے  ھپت روچی تاکے آ وتی سسا ساچے دیم دَنت او چاپ بیت، بلے آئی  ھمسر آئی آ  کلاگ بند اَنت۔ کافکائے کسانی ئے شئے آئی تب ئے  سرا مزنیں اسرے دؤر دئینت،  ھمشانی درشان کافکا وتی کسہانی تہا کْتگ۔کافکائے کسہانی تہا، تھنائی، ڈپریشن، ترس،سزا گِندگا  کئیت۔ کافکا ئے سسا ساچ سر زاھری آ بیانیہ دروشمے گِندگ بنت بلے بْن اسلا آئی زند ئے  درشان اَنت۔ کافکائے  کسّہاں ھمک بر آ کہ وان ءِے نوکیں معنایے آ گوں دیمہ اوشت اَنت۔

کافکا مردمہ جیڑگ ھم پرمائیت، کہ اے چون بوت؟ کافکائے  کارست وشی و شادمانی زند گوازینگا بَنت او ناگہ آیاں سکّی گِرنت، مردم وت اجکّہ بیت کہ  اے چون ؟ کافکائے ازمی مستریں شرّی یے ھمش اِنت۔

کافکا وھدے 3 جولائی 1924 آ وپات کنت، کس آئی  مرگہ نکسے سرپد نہ بیت بلے بیست سال گوزگا پد کافکائے  سساساچ سرجمیں دنیا آ َ شنگ و تالان بنت او کافکائے ارزشت زانگ بیت۔

کافکا وتئی سنگت ءَ گشیت کہ منی مرگا پد ساچشتاں بْن بدئے بلے آئی ِسنگت اے کار ا نہ کَنت و آئی ِ ساچشت ءَ شنگ کَنت

دری لبزانک ءَ کہ ھردے من واناں مناں سما بیت من دگہ نوکیں دنیا یے آ سپر کنگا آں، اود ا وشّی ھم است، گم ھم بلے آئی درشان کنوک انچین اَنت کہ مناں ھر دوئیں دوست بَنت۔

ندارگ سچگ ءَ ھم بہ بنت بلے آیانی تہہ زیبائی ڈنّ ءَ وتئی سھرائی آ الم کَنت۔

کافکائے  نامداریں گِدار “دی ٹرائل ” کہ من ونتہ ھمشی یے بابتا دو گپّ جناں۔

دی ٹرائل اردو آ یاسر جواد ا ” مقدمہ ”  ئے  ناما رجانک کْتہ، کافکائے  اے گِدار آئی مرگا چہ پد شنگ کنگ بیت کہ کافکائے  سنگت “میکس براڈ ” کنت ءِے۔

1930 آ ایڈرون میور ھما نبشتہ کار بیت  کہ اے گدار آ رجانک کَنت۔ اے ناولا سرا یک ودو فلم ھم جوڑ کنگ بیتہ، یکّے  نام “After hours” اِنت، کہ 1985 آ جوڑ کنگ بیتگ۔

اے ناولہ کارست جوزف کے اِنت کہ آئی آ سِیمّی سالروچا دو نا پجّاریں مردم آئی ءَ وتی گِسا دزگیر کَنت او آئی سر ا کیس کن اَنت۔ ناولئے  کارست ھِچ سرپد نہ بیت کہ من چے کْتہ؟ منی گناہ و میار چی اِنت؟ او کجام کانود نئے رد ا منی سر ا کیس کنگ بوگ اِنت؟

جوزف  اے ھیال نہ کَنت کہ من چے کْتہ او پرچا دزگیر کنگ بیتگاں، آئی آبس جھد ھمش بیت کہ من وتا چہ اشاں چون بہ رکّیناں۔ کِسّہ روان کَنت، بازیں سر و پْر ئے کسہ ئے  تہا بیت و گڈ سر ا جوزف  سِی او یکمی سالروچ ءَ بے دردی ءَ گوں کْشگ بیت او آ داں مرگا  نزانت کہ منی گناھ چی اَت۔؟

مقدمہ ئے چاگرد  نا اِنساپی، زلم و زوراکی، شرّی و ھرابی، راست و دروگ ئے میانا ترّ اِیت و داں گْڈ سر ا ھلاس بیت۔

اے ناول مناں پمے ھاتر ا دوست بیت کہ اے ناول ئے چاگرد منی جند ئے  ڈیھا گوں سیادی کنت، منی چاگرد ا ھم بازیں کارستے است کہ وتی گناھ و میار ا نزانت بلے سالانی سال بندیگ اَنت، کْشگ بوگ اَنت۔

او گْڈ سر ا کافکا ئے نمدی یے ٹْکرے آ گوں گپّاں ھلاس کناں کہ چوش اَنت: “ھر ھما شئے کہ ترا آئی آ گوں مھر بیت، آ الّم یک نہ یک روچے آ گار بیت، آئی ئے  ھلاس بہ ئیگ پَکّا اِنت، بلے یات کَن گْڈ سر ا روچے کیت ھما مھر ترا دگہ دروشمے آ الّم رس اِیت “۔

Check Also

پہلی ”آن لائن“ سنڈے پارٹی ۔۔۔ نجیب سائر

کوڈ 19 نے جہاں دوسرے شعبہ جات زندگی کو متاثر کیا وہیں سنگت اکیڈمی آف ...

Leave a Reply

Your email address will not be published. Required fields are marked *