Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » ہژدمی برومیئر۔۔۔ کارل مارکس

ہژدمی برومیئر۔۔۔ کارل مارکس

عامیں عقل ولائیں ہر مشاہدہ کنوخ  کہ تونڑیں کہ فرانس ئے واقعہ آنی گام پہ گامیا گندغاناکام بیثہ، گڑہ دِہ ہمے انقلاباپہ ہمنگیں رسوائیں ناکامی اے سانبثی آ ایریں کہ پیشاکسانہ ئیثہ۔سوب ئے وثاروہش کنوخیں کُوکارانی اَش کنغ کھوڑاث۔ ڈیموکریٹیں صاحب گل کہ 2مئی 1852ئے معافی آنی چکا یک دوہمیاموار کی آں دیغا اثنت۔ بے شک کہ دومئی آنہانی بھیجا اندرا فکس ایں خیالے ٹھیثغہ۔ آنہانی اندرا یک ڈوگما اے ٹھیثغ اث‘ہماں روشہ ڈولا کہ خلیاست(1)والایانی خیالاحضرت یسوع دوہمی برا ظاہر بیث او ہزار سالی حکومت شروع بیث۔ہر وختے ڈولا،نزوری معجزہ آنی سرا ایمان آرغ ئے ہمساخ بیثغہ،آنہیا،گمان کثہ کہ جادو زور ا  سوب کٹثی ئ اووثی ہند ا خیال کثئی کہ دژمن قابو بیثہ اواشیافیوچر ئے بے عمل ایں مزں شانی اندراحال (Present) ئے ِسجہ ایں فہم برائینتہ کہ پہ آنہیا سانبثیاایرث او پہ ہماں سوباں کہ آنہیا  رازءَ  اندرانصیب بیثنت بلے آں ہوانہاں فی الحال کنغاباڑا نہ اث۔ ہماں ہیرو کہ وثی گو انک چیکی نالائخی آ یک دگر ا وثی ہمدردی آں ڈساناں غلط ثابت کنغہ کوشیشہ کن انت او خاصیں ٹولی اے اندرا سلھاڑے جی انت،نِیں وثی پینز چاڑثغ انتش، او پیشکی زڑتؤوثی ونّائی ئے پُل و ہار نز ار تغنت اش او ہماں ایکسچینج مارکیٹا وثی جیبہ اندرا کپتی ایں in partibus(2) رپبلکنانی بھانج کنغاماناتکغنت کہ ہمانہی خاطر ا آنہاں اولاحکومتی مڑ دم گوں وثی بے تکبریں دستاویز ئے سجہ ایں چُپیا باز دور اندیشیاگوں منظم کثغ اثنت۔ دو دسمبر ا آں  بے جڑ وبے رغا میں نپتاگپتغنت۔ آں مڑدم کہ بے ہمتی ئے وختاکڑوئیں ہکل وہو ڑایاں گوں وثی اندری ہژمبہ لکّین انت،آنہاں دِہ وثار قائل کثہ کہ ہماں وخت گؤ ئستغنت کہ بطخانی کرانکغاگوں کپیٹولہ قلعہ(3) بچائینتہ کیث۔

آئین،قومی اسمبلی‘ موروثی خاندانی پارٹی،نیل و سہریں رپبلکنز،افریکہ ئے ہیرو(4)،سٹیج آژہ گرند ہاٹ،ڈیلی اخبارانی بلکوخیں سُرخی، سجہ ایں لٹریچر،سیاسی نام او دانشوری ئے مشہوری، سول او کریمنل لاء“fraternite, egalite,liberte او مئی1852ئے دوہمی روش………… ہمے کُل یک ہمنگیں مڑدے ئے چُف کارءَ دیما جادو ڈولا گار بیثغنت کہ آنہی دژمن دہِ جادوگر نہ من انتی۔ ووٹ دیغ ئے عامیں حق کہ لہتیں ساعتے آ داں بچثی آ یث،آں دِہ  عارضی اث تاکہ آں دراہیں جہان ئے چمانی دیما وثی رضا آ گوں وصیت نامہ آ لکھی او عامیں عوامہ ناما ژہ اعلاناں بہ کنت کہ:”ہر چیزے کہ استیں آنہیا  فنا بیغی“۔

فرانسیسی آنی ڈولا اے گشغ کافی نہ ایں کہ آنہانی قوم بے سمائی آ گرے جیثغ اث۔ قومے بی یاکہ زالے‘ بے حفاظت ایں ہماں گھنٹہ آ پہ بشکے  جنت ہمانہی لافا کہ مہم پسندے بیئے او ہمانہیاگوں تشدد ابہ کنت۔ ٹو کانی انگو آنگو لویس دیغا گوں معاملہ گی ایش انت نہ بلکہ چھڑو دوہمی دروشمے زیرنت۔ اے دانڑتی تشریح کنغی ایں کہ 36ملین ءِ یک قومے شوں بے سمائی آ قبضہ بی او بے مڑائی آ سے ٹھگانی قید ءَ اندرا دیغ ءَ بی۔

نیں بیائیں ما،ہماں سٹیج آں دوارگندوں کہ شمانہاں 24 فروری1848ءَ گرداں دسمبر1851ئے انقلابِ فرانس گوئستہ۔

اشی ءِ سہ مزائیں دور اثنت:

اولی:فروری زمانغ۔

دوہمی: چیار مئی 1848 آگرداں گیست وہشت مئی1849ئے زمانغ کہ رپبلک ئے آئین یا آئین سازیں قومی اسمبلی ٹھیثہ،

سیمی:گیست ونہہ مئی1849 آگرداں دو دسمبر1851ئے زمانع بزاں آئینی رپبلک یا قانون ساز قومی اسمبلی ئے زمانغ۔

اوّلی دور ژہ24 فروری آ،لوئی فلپ ئے  تخت ءَ چپی کنغا گرداں 4مئی1848 آ قانون سازاسمبلی ئے مچی زمانہ ایں بزاں ”خاصیں فروری زمانغ“۔ اشیا ما انقلابہ شروعات گوئشتہ کنوں۔ اشی خاصیت سرکاری ڈولا اے حقیقتہ اندرا سہرا بیثہ کہ اشیا ژہ دستی دستی ایں حکومتا وث اعلان کثہ کہ اے ”ادار کی و عارضی“ ایں، اور حکومتہ جند ہ ڈولا ہمے زمانغئے ہر کا ر،ہر حکم،ہر اعلان عبوری اثنت۔ نَیں چیزاں نہ مردماں اے دعویٰ ئے جرات بیثہ کہ وثی مستقل ایں وجود یاعمل ئے راستی ئے دعوی آ بہ کنت۔ ہماں سجہ ایں عنصراں کہ انقلاب تیار کثہ یا انقلاب مقرار کثہ تو نڑیں آں خاندانی موروثی ایں اپوزیشن بہ بی(5)،رپبلکن ئے بورژوا زی بی،ڈیموکریٹک رپبلکن ئے پیٹی بورژوازی بی او سوشل ڈیموکریٹک ورکرز بہ بنت آں کلّاں فروری حکومتہ اندراعارضی ڈولا جاگہ رستہ۔

دو ہمی راہ دِہ  نیستہ۔ فروری روشانی اصلیں کار چھڑو ہمنگیں الیکشن ریفارم کنغ اثنت کہ اوذاں جائیداد داریں طبقہانی اندراژہ خاصیں سیاسی مراعات زیروخیں حلقہ زیات مزن پاند بہ بی او مالیاتی ارسٹو کریسی ءِ غلبہ پروشغ بہ بی۔ بلے ٹکر ورغئے اصل وخت کہ آتکہ، او عامیں مخلوق بیریکیڈاں زوار بیثہ،او نیشنل گارڈ ا ہچ سرگرمی نہ ڈسثہ تہ فوجا دہِ مزائیں مقابلہ چی نہ کثہ‘ او بادشاہی نظاما گُڑ کثہ تہ نغاہا پیداغایث کہ رپبلکا سوا دگہ ہچ دگ نے۔ ہر دُھرے آ ہمے رپبلک ئے وثی مطلب کشتنت۔

پرولتاریہ آ ہتھیار زڑ تؤ ہمے رپبلک کَٹثغ اث۔ ہمے خاطر ا وثی مُہر جثو اعلان کثئی کہ اے یک ”سوشل رپبلک اے“ بی۔ہمے رنگا نوخیں زمانغہ انقلاب ئے اندری کیفیت دیما آتکہ۔اے ہمنگیں کیفیت اے اث کہ اکّیلائیں بھیرا ہر ہماں چیز ءَ خلافا شث آں کہ،استیں سازوسامانا گوں،عام مخلوقہ تعلیم ئے درجہ آ گنداناں استیں حالت و سیادیانی شیرا یکدم عملامں آرتہ کاتک۔ دوہمی پلوا اے بیثہ کہ فروری انقلابہ اندراہر کسے آ کہ بھڑائی داثغث ہماں کلاّنی دعوی منّے جیثغنت اوآں حکومتہ اندرا مزائیں ونڈے آ گوں شریخ کنغ بیثغ اثنت۔ ہمے خاطر ا، دوہمی ہچ ہمنگیں معجون ومرکب ایں زمانغے نہ رسی کہ تہااِش اکھرمزائیں دعوی دِہ سانڑیں بنت او ُ اصلیں بے وسی و بے یقینی دہِ موجود بی،کہ تہا اش نوخ نوخیں تبدیلی آ پہ اکھرزیات جوش و جذبہ دِ ہ موجود بی او کہنیں دستورئے دیر پاڑیں بالادستی دِہ سانڑیں بی، کہ تہا اش بظاہر سماج ئے جملہ ئے ہم آہنگی دِہ است بی او اشی اندری عنصرانی پیلویں چِک تانڑ دِہ موجود بی۔ وختیکہ پیرسہ پرولتاریہ تننگاوثی نغاہا مزں پاندیں امکاناں مست اث او سماجی مسئلہ آنی سرا بازسنجیدہ ایں بحثاں مانا تکی آ یث،سماجہ کہنیں طاعتاں وثی گروہ بندی کثہ،وثی صف برابر کثغنت،پکر و گنڑتی کثہ او عام آبادی، کشار کار او پیٹی بورژوا یانی تہا نا گُمانیں حمایت دیثہ۔ ہمے کل مخلوق جولائی بادشاہی(6)  وختانی ڈھنگرانی دیر بیغا گوں یکدم ابھرتو سیاسی پڑ ا آتکغنت۔

”دوہمی دور“ 4مئی1848آگرداں مئی1849آ،بورژوا رپبلک ئے آئینہ دوریں،اشی بنیاد ایر کنغہ زمانہ ایں۔ فروری روشانی سذت رندا چھڑو ا ے نہ کہ موروثی خاندان والائیں اپوزیشن‘ رپبلکناں حیران کثہ او رپبلکن، سوشلسٹان حیران کثغ انت،بلکہ پیرسا سجہ ایں فرانس حیران کثہ۔قومی اسمبلی مچی 4مئی 1848آ بیثہ۔ اے سجلی آ قومی الیکشناں گشیں بیثغ اث او سجہ ایں قومہ نمائندگ اث۔

اے قومی اسمبلی فروری ئے دعوی آنی برخلاف زیندغیں احتجاجے اث او انقلابہ نتیجہ آں گھٹ آرغ و بورژوازی ئے گو دوآ ماں کنوخ اث۔ پیرسا پرولتاریہ آ سذتی قومی اسمبلی ئے اصلیں دروشم پجھ آڑتہ او اشی مچی آژہ چیزے روش رند پانزدہ مئی1848(7) آ یک بے سوبیں کوشیشے کثئی کہ زوری اشی وجود ا نیست بہ کنت،اشی آ بھورینی، او اشیا اغدّہ وثی ہماں اندری پڑزہ آنی اندرا بچڑ بچڑ بہ کنت شمانہاں کہ ہمے ٹھیثغ اث کہ قومہ  روح ئے  پُٹائیں تاثیرا ژہ پرولتاریہ ئے جند ا پہ خطرہ ٹھیثغ اث۔ چوکہ معلوم ایں 15مئی آ بلا نکی او آنہی ہم خیال کہ واقعی پرولتاریہ ئے لیڈرا ثنت،سماجی زیندھہ تالی آ ژہ درکنغ بیثغ انت او اے ڈولا درکنغ بیثغ انت کہ گڑ تؤ ہمے دراہیں زمانغا دوار ظاہر نہ ویثغنت۔

لوئی فلپ ئے ”بورژوا بادشاہی“ ہند ا چھڑو”بورژوارپبلک“ اے گپتہ کنت،یعنی اگر بورژوازی ئے یک کستریں ٹولی اے آ بادشاہہ نام چکا حاکمی کُث، تو مرشی دراہیں بورژوازی حاکمی ءَ کنت عوامئے ناما۔پیرس پرولتایہ ئے لوٹ بکواس انت،کہ آں ختم کنغی بنت۔ پیرس پرولتایہ آ آئین سازیں قومی اسمبلی ئے  ہمے اعلانہ جواب گوں۔ ”جون بغاوتا“ داثہ کہ یورپ ئے خانہ جنگیانی ہسٹری ئے کلاں ژہ مزائیں واقعہ اے اث۔ سوب بورژوا رپبلکا کٹثہ۔ اشی پجی آاو شتاثی ایثنت مالیاتئے ارسٹوکریسی،صنعتی بورژوازی،مڈل کلاس،پیٹی بورژوازی،فوج،لمپن پرولتاریہ (کہ گشتی گارڈ ءَ بھیرا منظم کنغ بیثغثنت)، دانشور، پادری او دیہی آبادی۔ پیرس پرولتاریہ پجی آ اژوث سوا دوہمی ہچ کس نیستہ۔ سوب آ رند سئے ہزار ا زیات یاغی زحمانی رخادیغ بیثغنت او پانزدہ ہزار بے عدالت ووکیلا جلا وطن کنغ بیثغنت۔ ہمے پروشا رند پیرس پرولتاریہ انقلا بی سٹیج آ ژہ اوڈھر بیثہ۔ رند ا ہروختیکہ تحریکہ لافاساہ ماں کفغ ئے نشانی پیدا بنت ہمے اغدہ دیمہ آغا پہ سمبری پرہر دھکے آنہی طاغت گھٹ آناں روث او ہر دھکے نتیجہ روث کم آیاناں۔ ہر وختیکہ اشی آ ژہ بڑزی سماجی طبقہ آں یکے انقلابی جوشہ مں کیث پرولتاریہ ہما نہیا  گوں الائنسہ ٹاھینی اوہمے ڈولا ہماں سجہ ایں پروشاں شریخہ بی کہ مختلف ایں پارٹی سر و پدی آ  ورنتش۔

ورداس

1۔ خلیاست(خلیاس،معنی یک ہزار)۔ یک مذہبی فرقہ اے کہ ایمان اثی کہ یسوع مسیح دوہمی دھکہ ظاہر بی او دنیا اندرا انصاف،برادری،او خوشحالی ئے ہزار سال شروع بنت۔

2۔ In partibus Infidelium (کفر ئے وطنا)۔ ہمے نام ہماں کیتھولک پادریاں دیغہ بی کہ غیر مسیحی ملکاں پہ نامیں تبلیغا مقرار بیثنت۔ مارکس و اینگلز ئے نوشتانکانی اندراہمے اصطلاح ہمنگیں حکومتاں پہ گزر بیثہ کہ وثی ملکادرا پناہ گیری حالتا ٹھنت او ہمانہاں کہ ملکہ اندر ی حالتاں گوں ہچ کارمہ وی۔

3۔ Capitole(کیپیٹول)۔ رومہ ٹیڑانی چکا ہماں قلعہ کہ اندرا جوپیٹر ئے مند  راثی۔ گشنت کہ 390ق م آ کہ گیلی آں شف کیڑ کثہ تہ رومہ مخلوق اے حاطرا بچثغ انت کہ ہموذا جو نوؔ ئے مندر ہ لافا بطخانی کرانکغا گوں کیپیٹولہ پہرودار ہاغہ بیثغنت او خبردار بیثغنت۔

-4 افریقی۔۔۔۔ الجیریائی۔ ہماں فرانسیسی جنرل و افسرنت آں کہ وثی آزادی آپہ مڑوخیں الجزائری قبیلہ آنی سرا مارتکغ انت او قبضہ گیری ئے ہمے جنگانی اندرانام کٹثیش۔ قانون سازیں اسمبلی اندرا ہمے افریقی جنرل کوے نیاک،لموری سیئر او بیدو نا میں رپبلکانی سربراہ اثنت۔

5۔موروثی خاندانی اپوزیشن۔۔۔ جولائی بادشاہتہ ردشاں فرانسہ پارلیمنٹاہمے نامئے یک حزب مخالفے اث۔ ہمے ٹولی ئے مڑدماں لبرلیں صنعتی او کاروباری بورژوازی پلو بندائی کث۔ آں باڑ  اثنت کہ نیامی درجہ ئے لہتیں الیکشن ریفارم کنغ بہ بنت و انقلابہ اگھ گرغ بہ بی۔ او ہمے ڈولا بادشاہی سلامت بی۔

6۔جولائی بادشاہت۔۔۔۔ اے لوئی فلپہ بادشاہی زمانہ اث کہ 1830آ تاں 1848 آ چلثہ۔ جولائی1830 ئے انقلابہ چکا اشی نام کپتہ۔

7۔ 15 مئی1848 آ پیرسہ مزدورو کاریگراں یک جلوسے کشتہ اور ہماں ہالہ لافا کہ آئین ساز اسمبلی ئے دیوان بیغایث، ہموذا زوری پیہثو اسمبلی ئے پروشغ او یک انقلابی حکومتے اڈکنغہ جارجثہ۔ نیشنل گارڈ و فوجا اسمبلی ئے حفاظتاپہ حملہ کثہ او جلوس کُڑ دنیتہ۔ مزدورانی لیڈر (بلانکی،البیر،رسپیل،سوبریو،وغیرہ) دزگیر بیثغاں۔

Check Also

اَمن۔۔۔پروفیسر نبیلہ کیانی

بہت سال بیتے ہمارے گھر میں ایک رسالہ چین با تصویر کے نام سے آیا ...

Leave a Reply

Your email address will not be published. Required fields are marked *