Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » پندھ ۔۔۔ مہتاب جکھرانی

پندھ ۔۔۔ مہتاب جکھرانی

انسان ئے زند ئے پندھ

ہڑ دو انت

یکے کوڑی ئے کارانی

دوہمی پندھ زندغی ئے

تاں بیث آں سر؟

اے کئے آ زانتہ؟

بیثو بے سدھ

زند ئے پندھا شہ

من بیثغاں رائی

کُوڑی ئے پندھا

کھؤراں جھاگانا

ریخاں گوئزانا

پٹاں رُمبانا

بیلواں دِرکھانا

کوھاں کھئیلانا

مئیزلاں گرانا

رپتغاں من

بستغیں شہرے آ

شہر چھی یے اث؟

بہشت ئے بہرے اث!

سوزیں آسمان ئے

کھوکھراں شیرا

کونج کرکغ اثنت

سُہیل خوشی آ

میش گَل اثنت

لکونری آنی چھاپا

بہار پدھر اث

زند ئے مستی آ

بور تشغ اثنت

حذائی قذرت کہ

نی نوذ گوارغ اثنت

ترمپ ترمپاں مئیں

جان میسینتہ

مئیں لیغاریں گُذ

آفاں ششتغ انت

کُوڑی ئے ساڑتھیں

گواث کشغ اث

گواث نوذاں مروشی

مئیں بالاذ نازینتہ

نی بستغ اث نوذاں

درینے ہپت رنگی

درین شیرا یک

باغے اث سوزیں

سوزیں باغا شہ

آختہ مُرگانی جھارے

گشتیش مناں!

بیا او! برنگلیں ورنا!

مارژینتہ باغ

پہ تھئی مہمانی

من شثغاں باغا

تشانا رُمبانا

پیشا من نئیثہ

اے رنگیں باغ ئے

اوذا وشبوئے

ھمبوئیں ھبکار

کوئل و کمینجرانی

وشیں بولی و توار

نی گشئے کہ پُھل

جنغ ثنت ھُمبلاں

ھمے پھلانی نیاما

یک پھلے اث وشیں

من ھمے زانتہ

کہ مناں گوانکیں

من شثغاں

پھل پہناذا

گشتئی او منی ورنا

تھۂ بیایا ثئے!

پھڑتھۂ رژینتہ ما

تاخ تاخ باغ ئے

ما تھرا دیثہ

وھاو وشاذھاں

نی ما دِہ تھئی اوں

اے باغ دِہ تھئی ایں

تھؤ منی واژہ

من تھئی بانک

دئے مناں قولا

کہ مئیں بی ئے

من گشتہ کہ پھل!

مئیں سیرئے چھمانی

مئیں روح و ارواح ئیے

پر تھرا حالے

من دیاں بانک!

استاں پاندھی یے

دیریں ڈیہانی

تھۂ تہ پھلے ئے

نندئے ماں باغاں

من تہ رائی آں

من جناں پندھاں

اشکثو ھمے گال

بیثہ پھل مونجھا

گار بیثہ باغ

درین رنگانی

نئیں کونج کرکوخیں

نئیں ترمپ نوذانی

ھمے ھژمبا ژہ

من آختغاں سارا

خیال کثہ من کہ

گندغاں وھاوے

حذا یا رکھثہ

دلے ئے بھورنغا

پھاذ آختغاں ھندا

بیثغاں رائی

زند ئے پندھے آ

دانکھو جزغیں

من دِہ پندھایاں

Check Also

کھڑکی میں چاند ۔۔۔ فہمیدہ ریاض

میں جس کمرے میں رہتی ہوں اس کمرے میں اک کھڑکی ہے گر رات کو ...

Leave a Reply

Your email address will not be published. Required fields are marked *