Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » جہاں جسکیں دَہ روش ۔۔۔ جان ریڈ

جہاں جسکیں دَہ روش ۔۔۔ جان ریڈ

پر، عارضی حکومتا وثی سیاہغ و الزامانی حقا دلیل داثہ نہ خثغنت۔ جرمناں پہ  سازش ثابت کنغئے کاغذ نقلی درکپتغنت  او بالشویک یک یکی آ کیس چلائینغا بغیر،پہ نا مئے  ضمانتایا بے ضمانتا بوژے جیثغنت۔ دا ں اے حدا کہ جیلہ اندرا چھڑو شش بالشویک سرا تکغاں۔ یکو بدل بیوخیں عارضی حکومت ئے بے وسی او      دودلوئی یک ہمنگیں دلیلے اث کہ رد کثہ نیا تک۔ بالشویکاں اغدّہ  ہماں نعرہ بڑزکثہ کہ عواما سک دوستہ:”دراہیں واکا سوویتانی دستاں دیئت“۔ او آں چھڑو    وذمن وخود غرض نہ یثنت اے خاطر ا کہ آں وختا سوویتانی اکثریت”معتدلیں“ سوشلسٹانی اث کہ آنہانی جوریں دژمن اثنت۔

پر،اشیا ژہ دِہ زیات اثر داریں ٹوک اشیں کہ آنہاں مزدور، سپاہی او راہکانی بے تراشتغیں او سادھیں ارمان زڑتغنت او شمانہاں وثی پروگرام ٹاہینت ایش۔ ہمے خاطرا وختیکہ ”ابارونتسی“،منشویک او سوشلسٹ انقلابیاں وثاربورژوازیا گوں صُلح سازیاں بجینتہ ہماں وختا بالشویکاں اشتافی روسی عوام وثی مُشتا کثہ۔ جولائی آآں ریسینے جیغئے ثنت او شمانہاں نفرت کنے جیغئے، ستمبرا داں دارالحکومت ئے  مزدور، بالٹک بیڑہ ئے  جہازی، او سپاہی گوئش کہ پیلویا آنہانی پلو بند کنے جیثغثنت۔ ستمبرا مزائیں شہرانی میونسپل الیکشن(4) باز اکّیلااثنت۔ منشویک و سوشلسٹ انقلابیاں چھڑو18پرسنٹسیٹ رستغثنت او جونا70 پرسنٹا ژہ  زیات رستغثنت…………

یک ٹو کے ہمنگیں سراغیں کہ درملکی آبزرو حیران کثغنتی۔ آں اے کہ سوویتانی سنٹرل ایگزیکٹو کمیٹی، فوج او نیوی سنٹرل کمیٹی او کڑدے ٹریڈیو نینانی (موڑی سر تار اوڈاک ئے ورکرانی او ریلوے ورکرانی یونینانی) سنٹرل کمیٹیاں بازسختیاگوں بالشویکانی مخالفت کثہ۔ اے دراہیں سنٹرل کمیٹی آہاڑ ہ نیا ما  یا شما نہیادِہ پیشا چونڈ کنغ بیثغثنت آں وختا کہ منشویک و سوشلسٹ انقلابیانی اشمار باز زیات اث او ہمانہاں نوخیں الیکشناں گِسّر کثہ یاہماں داشتغنت۔ گڑہ قانونانی بھیرامزدوراو راہکانی ڈیلیگیٹانی سوویتانی کل روس کانگریس بایداث ستمبرالوٹائینے جیثے۔پر،”تسے ای کا“ میٹنگا لوٹائینغانہ یث، اے بنیاد ا کہ آئین سازیں اسمبلیا تہ چھڑو دو ماہ سرا تکی ایں۔ ہمے نیاما بالشویک دراہیں ملکہ اندرا یک یک کثو مقامی سوویتانی لافا، یونینانی شاخانی اندرا ،او سپاہی و جہازیانی اندرا کٹغئے ثنت۔ راہکانی سوویت دانڑتی دَہ کنزرویٹواثنت اے خاطراکہ سستیں دیہاتی علاقہاں سیاسی شعور سو کا سوکائیا و دھغایث او سوشلسٹ انقلابی پارٹی یک پُشتے آژہ ہمنگیں پارٹی اے بیثغہ کہ آنہیاراہکانی ایجی ٹیشن کثغث………… پر راہکانی اندرا دِہ یک انقلابی بانسکے ٹہا غایث۔ اے اکتوبر ہ اندرا او شیش بیثو دیما آتکہ وختیکہ سوشلسٹ انقلابیانی چپیں بانزر پارٹی آ ژہ کڑبیثہ او وثی نوخیں سیاسی گروپ، چپیں بانزر ئے سوشلسٹ انقلابی، ٹاہینتئی۔

پجی پجیا ہرہندے آاے ٹوکہ نشانی اثنت کہ ری ایکشن او رجعت پرستی ئے زورزیات بیاناں روغئے۔(5)۔  چوکہ پیٹروگراڈ اٹرائٹسکی تھیٹر ہ اندرا شاہ پرستاں یک کندوخی ایں ڈرامہ ”زارئے گناہ“ گڑ بڑکثہ او دَرل داثہ کہ ”بادشاہ ئے بازیں گناہ“ ئے جرما آں اداکاراں کوڑایاں جننت۔ کڑدے اخباراں یک ”روسی نپولینے“ ارمان کنغ شرو ع کثہ۔ مزدورانی نمائندہانی سوویتانی پچار ”بینگانی نمائندہانی“ ناما گوں کنغ بورژوا زانو گر کلاسہ لافا یک عامیں ٹوکے بیثغہ۔

۔15اکتوبرا منی نندونیا ذ گوں یک مزائیں روسی زردار‘ استیپان گیورگیوچ لیا نوزوفا   بیثہ کہ   ”روسی راک فیلر“گشے جابی او سیاسی ڈولا کا ڈٹ اے۔

آنہیا گوئشتہ: ”انقلاب یک نادرا ہی اے۔ دیر  یازیث ڈنی طاغتاں بایدیں کہ ایذا مداخلتا کننت۔ ظاہریں کہ اے باز نامناسب بی پر، قوماں وثی جند ہ ملکانی اندرا بالشویزم او ”پرولتاری  ڈکٹیٹر شپ“، او ”جہانی سماجی انقلاب“ ءَ ڈولیں پڑوخیں خیالانی خطرہ  ئے پوہ بیغ پہ کاریں۔یک امکانے استیں کہ ہمے مداخلت ئے ضرورت مہ کفی۔ ٹرانسپورٹیشن  ءَ اندرابد دلی ایں، کارخانہ بند بیغایاں او جرمن ودھاناں پیداغاں۔ لنگھڑ او پروش نواں کہ روسی عواما ہوشامں بیاری…………“۔

لیانوزوف وثی اے ٹوکہ چکا جکثیا یہ کہ تونڑیں ہرچی کہ بی سودا گرو انڈسٹریلسٹ انگا کثہ نہ خننت کہ مزدوراں ورکشاپ کمیٹیانی وجود ئے اجازتا دیاں، یا،مزدوراں انڈسٹری چلائینغامں بہر زیر غا بلّنت۔

”دہموذ کہ بالشویکانی ٹوکیں تو ہماں دو آ ژہ یک ڈولے آختم کنغ بنت۔ حکومت پٹروگراڈایلہ داث ودوہمی ہندے آبرو او گڑہ بیٹر تر ینغ و محاصرہ ئے اعلاناکنت او ضلع ئے فوجی کمانڈر ہچ ڈولیں قانونی کاروائی اے آ بغر ہمشانی کار اکثہ کنت…… یا اگر مثلاً آئین سازیں اسمبلی ہر ڈولیں یو ٹوپیائی خاصیتاں درشاں کنت تو تو پکہ زور ا ہمے کُڑدینتہ کیث…………“۔

زمستان ………… ہژمبنا خیں روسی زمستان نزی آتکغہ۔ مں آنہی پچار کاروباری مخلوقا ژہ اِنگا اش کثہ:”زمستان یکوروس ئے کلاں ژہ جوائیں دوست بیثہ۔ کزئیں آں مار انقلاباژہ آجوکنت“۔ سنڈرینوخیں محاذ ہ چکا ڈکھ جثغیں فوجی دانڑتی لنگھڑاں بھوگغئے ثنت او بغر ژہ جوش و جدبغا مرغئے ثنت۔  ریلوائی ئے حالت روغئے ڈِھلاتراناں، خوراکئے کمی اث،کارخانہ بند بیغئے ثنت۔ ہر پلوے آژہ نا امیدیں مخلوق واہو آں دار غئے کہ بورژوازی عوامہ زیندھا نا کام کنغیں، محاذ ہ  چکا پروش ئے  سوب بیغئے۔جنرل کورنیلو فا گوانگ چیکی گوئشتغث کہ ”مار وطنا پہ وثی فرض ئے  گنڑتی پیدا کنغا پہ ریگا ئے  قیمت دیغی کفی چہ؟ او ہمشیاژہ سذت رندا ریگا دژمنہ دستاں دیغ بیثہ۔

امریکیاں پہ اے پیٹر باوری ٹوکے نَیں کہ کلاس جنگ دَہ اے حدّا ودھثہ بی۔ پر قطبی محاذہ افسراں گوں مں وث ملثغاں کہ سپاہیانی کمیٹیاں گوں دزکمکہ کنغہ ہندا فوجی پروشا گوانک چیکی جواں گشغئے ثنت۔ کاڈٹ پارٹی ئے پیٹروگراڈ شانک ئے  سیکرٹری آ مناں حال داثغہ کہ مُلکہ زیندھہ خرابی انقلابہ بدنام کنغہ مہم ئے  بہرے اث۔ یک اتحادی ملکے سفیرا، کہ آنہی نامہ نہ گرغئے مں قول داثغہ، وث وثی سما ئے  بنیادہ  چکا ہمے ٹوکہ تصدیق کثہ۔ مناں خار کوفہ نزیخا کوئلہ ئے کڑدے کانڑانی بارواسمائیں کہ آں وثی واژہاں آس داثغنت یا آفا ڈوبار تغنت۔ ماسکو ٹیکسٹائل فیکٹریانی باروا سمائینوں کہ آنہانی انجینئراں لڑغہ وختا ہمانہانی مشین خراب کثغنت، ریلوے ئے  افسرانی باروا مناں سمائیں کہ  مزدوراں انجنانی ناکارہ کناناں گپتغنت …………

جائیداد دار یں طبقہانی مزائیں بہرے آ انقلاباژہ  ………… اے حداداں کہ عارضی حکومتا ژہ دِہ  ………… جرمن گِشیں تنت،او ہمنگاگشاناں آں ہچبر اگھ وپذنہ ویثنت۔ہماں روسی خاندانہ یپجیا کہ مں ساہڑتی ایثاں ہموذا موڑی سر اے ٹوکہ چکا پچار بیث کہ جرمن کاینت او ”ہڑا دھڑی“ ءَ ختم کننت۔………… یک بیگھئے آ مں ماسکو ئے  یک سوذا گرے لوغایثاں۔ چاہا وراناں مامیز ئے  چیاریں کنڈاں نشتغیں یازدہ مڑدماں ژہ پول کثہ کہ آں کئے ءَ گِشین انت: ”ویلہلم ءَ   یا  بالشویکاں؟“۔ ویلہلم ءَ حقادَہ ووٹ اثنت او خلافا چھڑو یک ووٹے …………

منا فع خوراں عامیں ہڑادھڑی ئے  فائدہ زڑت مڈی مچ کث او ہمے مڈی حیران کنوخیں مستیانی چکّا یا  حکومت ئے  افسرانی بھاڑغا پہ خرچ کث۔ ورغ چرغئے چی   او پٹرول لِکینتومچ کثہ یا لکوڑی ملکا دراسویڈنا دیم دیغ بیثہ۔ مثلاً انقلابہ سری چیاریں ماہاں پیٹروگراڈ ہ میونسپل گوداماں ژہ خوراکئے گازار ظاہر ظاہر ی آ لُٹے جیثغنت دہمے سندھو آکہ دان کہ دو سالا دَہ کھوڑا ث آں یک ماھے آ پہ دِہ شہرئے لاف دیغا پہ سرنیا تکہ ………… عارضی حکومت ئے خوراکہ وزیر ئے  سرکاری رپورٹہ ردا ولادی واسٹکہ اندراکافی ئے یک پونڈ پہ2 روبلا بہا  بیغئے او پٹروگراڈ ءَ  مخلوقا پمشیا 13 روبل داث۔ مزائیں شہرانی دراہیں دکاناں ٹن آنی حساوا خوراک و گُذ ایر ثنت پر ہماں چھڑو بھاگیا ئیں مڑداں گپتہ کثنت۔

Check Also

اُمید ۔۔۔ شان گل

لینن دوات کھاتا تھا بہر حال 8، 9دسمبر 1895 کی رات کو پولیس نے لینن ...

Leave a Reply

Your email address will not be published. Required fields are marked *