Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » سفر بیٹے سے بیوی کا ۔۔۔ ظل ہما جعفر

سفر بیٹے سے بیوی کا ۔۔۔ ظل ہما جعفر

میں جب امّاں کی بیٹی تھی

افق سے بھی کہیں آگے

مہ و انجم کی محفل میں

بکھرتے تھے مرے نغمے

حسیں تھی زندگی میری

دھنک پر تھے قدم میرے

بندھا دو بول کا بندھن

تو باندی ہو گئی اس کی

بہن ہوں اب نہ بیٹی ہوں

بس اک بے عقل بیوی ہوں

تمنّائیں مٹا دیں سب

کسی کا دل ہی جیتا نہ

کسی کو رام کر پائی

نہ اچھی ماں ہی کہلائی

نہ اچھے بول سن پائی

گھٹن سے تنگ آکر اب

عجب خواہش یہ ابھری ہے

یہ رشتے توڑ ڈالوں سب

یہ ناتے چھوڑ جاؤں سب

بسوں اک ایسی بستی میں

جہاں اپنا نہ ہو کوئی

تعلّق ہو نہ بدگوئی

جہاں پر وقت یوں ٹھہرے

نہ شب آئے نہ دن گزرے

نہ کوئی آزمائش ہو

نہ ربطِ زندگی بکھرے

 

مگر ایسا کہاں ممکن

یہ بیڑی آخری دم تک

رہے گی میرے پیروں میں

میں بیوی ہی رہوں گی بس

کٹے گی عمر غیروں میں

سفر بیٹی سے بیوی کا

Check Also

ٹیڑھی پسلی ۔۔۔  انجیل صحیفہ

مجھ کو چھونے کی چاہت میں کھوئے ہوئے اے زمینی خداؤ ادھر آؤ! میں کائناتوں ...

Leave a Reply

Your email address will not be published. Required fields are marked *