Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » کتے کا خواب ۔۔۔ لوہسون/شاہ محمد مری

کتے کا خواب ۔۔۔ لوہسون/شاہ محمد مری

                ”میں نے خواب دیکھا کہ میں ایک تنگ گلی سے گزر رہا ہوں۔ میرا لباس بھکاری کے لباس کی طرح پھٹا پرانا ہے۔

                ایک کتے نے میرے پیچھے بھونکنا شروع کردیا۔

                مجھے غصہ آیا۔ میں نے اس کی طرف دیکھا اور اسے ڈانٹنے لگا۔

 ”چخ، چخہ، چخہ!!۔

 ”اپنا منہ بند رکھو!۔

                ”دولتمند اور مالدار کو دیکھتے ہو تو سر جھکا لیتے ہو اور اس کے سامنے دم ہلاتے ہو مگر کسی غریب اور مفلس کو دیکھتے ہو تو تنگ کرتے ہو!!“۔

                ”معاف فرمائیے! ہم ابھی تک انسانوں کی طرح اتنے اچھے نہیں بنے کہ اچھے برے کو جان سکیں اور فرق کرسکیں“۔

                ”کیا کہا؟“ میں غصے سے لال پیلا ہوگیا اس لیے کہ میرے خیال میں اس سے زیادہ بڑی بے عزتی نہیں ہوسکتی تھی۔

                ”مجھے یہ کہتے ہوئے شرم آتی ہے کہ ابھی تک کھرے کھوٹے، ریشم و کھدر، حاکم و رعایا اور آقا و غلام کے درمیان فرق نہیں کرسکتا میں …………“۔

                میں واپس مڑا اور بھاگ نکلا۔

                ”رک جائیے، ہم کچھ اور گفتگو کرلیں …………“۔

                مگر میں پوری رفتار سے بھاگنے لگا۔ اتنا بھاگا کہ خواب کی حدود سے باہر نکل آیا اور واپس چار پائی پہ تھا۔

Check Also

ہے کہاں تمنا کا دوسرا قدم یا رب!۔۔۔ مصباح نوید

                ”گورنمنٹ جاب ہے، آدمی شریف ہے، شادی تو کرلوں لیکن اس کی تعیناتی کسی ...

Leave a Reply

Your email address will not be published. Required fields are marked *