Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » اسے پیر او نرینہ ئس پول آ ۔۔۔ ارنسٹ ہیمنگوے/عطیہ بلوچ

اسے پیر او نرینہ ئس پول آ ۔۔۔ ارنسٹ ہیمنگوے/عطیہ بلوچ

                ئسے پیر او نرینہ اس اسٹیل نا عینک  بیناسس او نا پچاک غرک و دنزی ئسورہ۔ کسر نا رہیا تولوک ئس۔ داڑے دریا نا خڑکا کشتی تا ئسے پول اس ئس بیش ریڑی۔ نیاڑی نرینہ چنا او بلا۔ کل داڑان گدرینگارا۔ ریڑی تے خچیراک چِکارا بڑزا لگیسہ لڑزیسہ انارہ۔

سپاہی چرخ آ ٹی تا دو شاغاسوس لگفنگ آ ٹی تا کمک کریکہ۔ ٹرکاک مونہ گدرینگارا۔ خن تے آن چپ مریسہ کریرہ دا تا پدٹ بزغر نتے گریسہ انیسہ گڈ آ تے کا مش آ ٹی اسٹ مس۔

ولے پیر انگا نرینہ تینا اند آ اندن تولوک ئس۔ کنا کاریم دا ئس پول آن ایپار مریو۔ مونا کاو اریو دشمن اخس مونا انانے ای اوراٹ پدا واپس بسٹ۔ داسہ داڑے باز بیش ریڑی الو۔

اراکے پیدل انارہ۔

پیر انگا نرینہ ولدہ ہم ہموڑے تولوک ئس۔

نی اراکا بسن اس؟ ای اوڑ آن اریفیٹ!۔

سین کارلوس آن! او اندن پارے ولدہ بشخندہ مس۔

دا او نا باوئی آ خلق ئس۔

دا نا یات کننگٹ اودے خوشی ملا۔

اندا خاطر ان او بشخندہ مس۔

ای سادار تا خیالداری اے کریٹہ۔ او پارے

اوہ!۔۔ ای پاریٹ۔

ولے ای پو متوٹ۔

ای ہموڑے اسوٹہ نی خناس ای سادار تا خیالداری اے کریٹہ۔۔

ای کل ان پد آ نا بندغ اسوٹہ سین کارلوس اے الاٹ۔

او شوہان ئس تو لگتوکہ۔۔

ای او نا مؤننگا او غرک اِنگا پْچاتے آ او اونا مِش آن پر سؤز و رنگ آ نا دروشم او اسٹیل نا تے عینک آ تا کنڈا ہراٹ۔۔۔

ولدہ ہریفیٹ!۔

او امرو سادار اسورہ؟

پارے وڑ وڑی او سادار۔

ولدہ لخ اے تینا سریفے۔

ای اوفتے الاٹ۔۔۔

(ای پول آ ہْراٹہ ابرو ڈیلٹا نا افریقہ آمبارو ملک ئس حیران مسٹ)

ہمو وخت مرے۔

ارا وخت کے نن مون پہ مون مرون دشمن تو۔ ہمو شورے ای باز بننگ نا کوششت اے کریٹ ارا کے نن کے ئسے اشارہ ئسے دشمن نا خڑک بننگ نا۔

پیر انگا نرینا دسکا ہموڑے تولوک ئس۔

او امرو سادار ئسو؟۔ ای اریفیٹ۔

اوڑے موسے سادار اوار ئسو۔ او پارے۔

ایٹ ئس۔ ئسے پشی ئس۔ کپوت آ تا چار جوڑی ئسورہ۔

نی ہلاس تا ای اریفیٹ۔؟

اہو فوج آ نا وجہ آن کپتان جنگی آ سامان تا وجہ آن اننگ نا پارے۔

پین نما خاؤت انتو؟

ای پول آ نا ہلو کنڈا اوریسہ پاریٹ۔

اراڑے منہ بیش ریڑی پول ان ایپار مسورہ۔

نہ او پارے۔ چڑہ سادارک۔

ای پاریٹ نے نا۔۔

پشی جوان مروئے۔

پشی تینا خیال داری تینٹ کیک ولے ایلو تا انت مروے۔

ای سیاست ان مر اٹ۔ او پارے۔

کنا عمر افتادو شش سال اے۔

ای دوآنزدہ کلو میٹر سفر کریسہ بسنٹ۔

کنے لگک ای پین پند کننگ کپرہ۔

دا اڈ کننگ کے جوانو جاگہ ئس اف۔ ای پاریٹ۔

آگہ نی مچے ہمت کیس کسر ہسکان۔

ٹرکاک اننگو۔

او نے ٹور سانک اسکان رسیفیرہ۔

ای مچے انتظار کیوہ۔۔ او پارے

ولدہ ای کاوہ ٹرکاک ارانگ اننگو؟۔۔

بار سلونا نا کنڈا۔ ای اودے پاریٹ۔

کنے خبر ے دا تے آن اسٹ ہم او کنڈا ہمپک۔ او پارے۔

ولے نا منتوار۔ئسے وار پین نا باز باز منتوار۔

او کنا کنڈا باز بے وس انگا خن تے ٹی اوراکا۔دون کے او تینا ڈکھ اے کس ئتو پاننگ نا کوششت اے کننگے۔

پشی جوان مروئے۔۔

کنے یقین اے

نی پشی کے ڈکھیا مفہ۔

نی ایلو تا بارہ ٹی انت پاسہ؟

مننگ کیک او ہم اوکا پشتمر۔

نے اندن لگک؟

اہو انتے۔ ای پول آ نا کنڈا اوریسہ پاریٹ اراڑے داسہ بیش ریڑیک الوسہ۔

ولے او توپ خانہ ٹی انت کیرہ۔

ارا کے کنے توپ خانہ آن اننگ نا پارے۔

مگہ نی کپوت آ تا پنجرہ نا قلف اے ملاس؟

ای اریفیٹ۔ ولدہ او بال کیرہ۔۔اہو او بال کیرہ۔۔ ولے ایلوک۔

ہلو تا باراوٹ سوچنگ جوان اف۔۔۔ او پارے۔

اگہ نی ارام کریس تو ای کاوہ۔

ای اودے زاری کریٹ۔

بشہ و پند کننگ نا کوششت اے کر۔

نا منتوار۔

او پارے

ولدہ تینا نت تے آ سلیس۔

او دانگ اینگ لڑوکیسہ دنزی آ کسر تے آ توسکہ۔

ای سادار تا خیالداری اے کریٹہ او مدانہ پارے۔

ولے اونا توار کنے اسکان سر متو۔

بس ای سادار تا سما  اے کریٹہ اندا خاطر ان ای ہچ کننگ کتوٹ۔

دا ایسٹر نا یک شنبے ئس۔

دا ئسے سو فسطائی گمان تخوکو ئسے نا کنڈا انارا۔

دا ئسے سرمئی او مجو دے اس ئس۔

مدانہ بال کروکا نا خیالاک باز بڑزا ہلوسہ۔

دا راست اے پشی تینا خیال داری اے چاہک

بس اندا خوش بختی ئس ارا کے پیر انگا نرینہ تو اس.۔

Check Also

مئیزل ۔۔۔ مہتاب جکھرانی

روشا ٹک ڈاثغ اث۔درشکانی سرا مرگانی چیکار اث۔کڑدے مرگ اے درشکا شہ آں درشکا روغ ...

Leave a Reply

Your email address will not be published. Required fields are marked *