Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » پھتو شاہ قبرستان ۔۔۔ ثروت زہرا

پھتو شاہ قبرستان ۔۔۔ ثروت زہرا

ماں

میں آج پھر کاری ہو کے ہڈیوں میں

تبدیل ہونے کے لیے دفن کردی گئی۔

 

پھر

تیرے گداز دل سے

بین چرا کے سماجی

مراتب کے سودے طے کر لیے گئے

 

بہن کی آنسوؤں سے ملکیتوں کے

سبز صحن تازہ کر لیے گئے

 

باپ کی دعا ئیہ ہتھیلیاں

عزت کی ستلیوں سے باندھ دی گئیں

میرا جنازہ اٹھانے والے

بھائیوں کے کاندھوں کی ہڈیاں

غیرت کے آ  ہنی لوہے میں تبدیل کردی گئیں

 

 

میرے نام

اور کتبے کی جگہ گالیوں کی انی نصب

 

کردی گئی

عرق گلاب

میں بدبودار روایتوں کا تعفن گھول دیا گیا

میری قبر کے سرہانے موم بتیوں کی جگہ

بدنامی کی مشعلیں روشن کردی گئیں

پھولوں کی چادر کی جگہ خون ناحق کی

باس بچھا دی  گئی

 

تابوت کے پتھروں

سے اتنا بھاری کردیا کہ کوئی سماج وزن نہیں اٹھاسکا

ماں آج پھر

میں کاری کر کے پھتو شاہ قبرستان میں

ہڈیوں میں تبدیل ہونے کے لیے دفن کردی گئی

 

(پھتو شاہ قبرستان۔ سندھ میں موجود کارو کاری ہونے والے کا قبرستان)

Check Also

چند برس ہی ہوتے ہیں ۔۔۔ ابرار احمد

چند برس ہی ہوا کرتے ہیں دوڑ لگائیے آگے نکلیے اور جان جائیے اچھل کود ...

Leave a Reply

Your email address will not be published. Required fields are marked *