Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی »  کسی دن مل ہی جاؤں گا تمہیں ۔۔۔  ظہیر ظرف

 کسی دن مل ہی جاؤں گا تمہیں ۔۔۔  ظہیر ظرف

کسی دن مل ہی جاؤں گا تمہیں

وحشت میں

تنہائی کی محفل میں

کسی ٹوٹے ہوئے دل میں

کسی برسوں پرانی ڈائری کے زرد پنوں میں

کسی بے ذائقہ آنسو کے قطرے میں

تمہاری ہی کسی ٹوٹی ہوئی چوڑی کے ٹکڑے میں

تمہارے ہی بدن کی نرم سلوٹ میں

تمہارے عکس میں

آئینے میں

آنکھوں کے کاجل میں

تمہارے خواب میں

اور رتجگوں سے لال آنکھوں میں

کبھی گلزار کے مصرعوں میں

پنچم کے کسی گانے کے مکھڑے میں

سمندر کے کنارے ریت پر سیپی کی صورت میں

کہانی داستانوں میں

صحیفوں میں کتابوں میں

چنبیلی میں گلابوں میں

مچھیروں کی کسی بستی میں

بنجاروں کی ہستی میں

اچُھوتوں، کمیوں میں

اُن کے دل میں بسنے والی نرم حسرت میں

کبھی فرصت میں

عجلت میں

کسی دن مل ہی جاؤں گا تمہیں

Check Also

غزل ۔۔۔ صفدرصدیق رضی

بچھڑ گیا وہ تو اس یارِ خوش جمال کے بعد کسی سے جی نہ لگا ...

Leave a Reply

Your email address will not be published. Required fields are marked *