Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » تریاق ۔۔۔ سلمیٰ جیلانی

تریاق ۔۔۔ سلمیٰ جیلانی

سیاہ رات سے بھی تاریک

کینوس کے

پس منظر میں

لال رنگ میں ڈوبی

اک دھندلی سی تصویر ابھرتی ہے

کون ہے یہ بد نصیب

پکارنے والا کہتا ہے

یہ انصاف کی لاش ہے

گاڑھے خون کے چھینٹے

گہرے نشان چھوڑ گئے ہیں

سفیدی پھیرنے والوں نے

جھوٹ کا پانی ملا کے

کینوس کو صاف کرنا چاہا

پر انصاف کی لاش

بھاری ہوتی گئی

سارے نشان مٹا کے بھی

کچھ کھرونچے باقی رہ گئے

جاگتی آنکھوں والوں نے

سارا منظر

تعویز بنا کے پہن لیا

ابھی صرف ان کی آنکھیں ہی جاگی ہیں

باقی جسم غفلت میں ڈوبا ہے

مفاد پرستی اور

خود غرضی کی مکڑیوں نے

ذہن پر جالے بُن ڈالے ہیں

الفاظ بے ربط ہیں

مگر بے ہنگم شور

جلد ہی تیز آوازوں میں بدل جائے گا

اور پھر ایک چیخ سنائی دے گی

تب انصاف کا بول بالا ہو گا

کیونکہ

کڑوے سچ نے

تریاق

ڈھونڈ لیا ہے

نوٹ: صلاح الدین کے پولیس کسٹڈی میں اذیت ناک موت کو ہارٹ اٹیک قرار دیئے جانے پر لکھی گئی

Check Also

فرحین کے لیے! ۔۔۔ امداد حسینی

تیرے گھر پر چاندنی سے ایک سندھی نظم لکھ کر گھر کے در پر چھوڑ ...

Leave a Reply

Your email address will not be published. Required fields are marked *